काठमाडौं । नवनियुक्त प्रधानमन्त्री शेरबहादुर देउवा र अमेरिकी राजदूत र्यान्डी बेरीबिच भेट भएको छ । देउवा निवास बुढानीलकण्ठ पुगेर बेरीले देउवालाई प्रधानमन्त्री नियुक्त भएकोमा बधाई दिएका हुन् ।

भेटका क्रममा देउवा र बेरीबिच अमेरिका र नेपालबिच विभिन्न क्षेत्रमा भइरहेको साझेदारी र सहयोगका बारेमा छलफल भएको पराष्ट्र मन्त्रालयले जनाएको छ । यस्तै, अमेरिकाले कोभिड १९ विरुद्ध लड्न सहयोग गरेको स्वास्थ्य सामाग्रीको बारेमा पनि छलफल भएको थियो ।

अमेरिकी दूतावासले भनेको छ, ‘नेपालका लागि अमेरिकी राजदूत र्याोन्डी बेरीले नवनियुक्त सम्माननीय प्रधानमन्त्री शेरबहादुर देउवासँग शिष्टाचार भेटवार्ता गर्नुभयो। भेटका क्रममा राजदूत बेरीले प्रधानमन्त्रीको रूपमा नियुक्त हुनुभएकोमा वहाँलाई बधाई ज्ञापन गर्दै झन्डै ७५ बर्ष लामो नेपाल-अमेरिका मित्रतालाई अझै सुमधुर र सबल बनाउन काम गरीरहने बाइडेन प्रशासनको प्रतिवद्धता पुन: जाहेर गर्नुभयो ।’