स्रोत नखुलेको एकतीस लाख नब्बे हजारसहित दुई पक्राउ

रुपन्देही । जिल्ला प्रहरी कार्यालय रुपन्देहीले स्रोत नखुलेको एक तीस लाख नब्बे हजार रुपैयाँसहित दुई जनालाई पक्राउ गरेको छ । मंगलबार रुपन्देही सिद्धार्थनगर नगरपालिका वडा नं.१ वाईपास स्थित ईलाका प्रहरी कार्यालय बेलहिया रुपन्देहीबाट खटिएको प्रहरी टोलीले चेकजाँच गर्ने क्रममा उक्त रकमसहित दुई व्यक्तिलाई पक्राउ गरेको हो ।

सिद्धार्थनगर नगरपालिका वडा नं.१ बस्ने बर्ष २१ को बिनय कलवारले चलाएको लु २१ प २२१२ नम्बरको स्कुटी रोकी खानतलासी गर्ने क्रममा निजले बोकेको कालो रङगको झोलाबाट सो रकम फेला परेको थियो ।

स्रोत नखुलेपछि स्कुटी सहित कलवार र भारत उत्तर प्रदेश नौतनवा बस्ने सुरज गौणलाई प्रहरीले नियन्त्रणमा लिइ अनुसन्धान गरिरहेको छ । उल्लेखित रकम, पक्राउ व्यक्तिहरु र स्कुटी आवश्यक कारवाहीको लागी राजश्व अनुसन्धान कार्यालय बुटवल पठाईएको प्रहरीले जनाएको छ ।