कर्णाली । कर्णाली प्रदेश शान्ति सुरक्षाको दृष्टिकोणले त्यति लफडा हुने प्रदेश हाेइन,तर कहिलेकाही कर्णाली प्रदेश अन्तर्गतका जिल्लामा घट्ने केही घटनाले अन्तर्राष्ट्रिय चर्चा समेत पाउछन् । यस प्रदेशमा आक्कलझुक्कल घट्ने चर्चित घटनाले प्रहरी कमान्डरहरुकाे टाउको दुखाउने गर्छ।
कहिलेकाही हुने राजनीतिक झडपका गम्भीररुप,जातीय विभेदका कारणले घट्ने घटना ,प्राकृतिक आपतविपद आदि यस क्षेत्रका सुरक्षा चुनाैतिहरु हुन ।यी चुनाैतिकाे सामाना गर्दै अबको करिब १ वर्ष सम्म कर्णाली प्रदेशकाे प्रहरी कमान्डरकाे जिम्मा डिआइजि गणेश बहादुर ऐरकाे काधमा आएको छ ।
कर्णाली प्रदेशमा सरुवा भएर आएका डिआईजि ऐरले आफुले कुनै खास छुट्टै योजना नबनाएको जनाउँदै नेपाल शान्ति सुरक्षा कायम गर्न नेपाल प्रहरीकै कार्ययोजना काफि भएको बताए ।उनलेे यस क्षेत्रकाे तस्करी र सीमावर्ति अपराधहरु रोक्न कुनै पनि कसर बाँकी नराख्ने प्रतिवद्धता जनाए ।
उनलेे शान्ति सुरक्षा, अपराध नियन्त्रण, चोरी तस्करी नियन्त्रण, सामाजिक सदभाव र कोभिड नियन्त्रणमा प्रहरीले विशेष ध्यान दिने र सीमा सुरक्षा लगायतका विषयलाई प्राथमिकतामा नागरिकलाई शान्ति सुरक्षाको अनुभुती गराउने जनाए ।
फेसबुकबाट तपाईको प्रतिक्रिया !