काठमाडौं । संवैधानिक निकायमा २० पदाधिकारी नियुक्त भएका छन् । राष्ट्रपति विद्यादेवी भण्डारीले अख्तियार दुरुपयोग अनुसन्धान आयोग, लोक सेवा आयोगलगायतमा २० पदाधिकारी नियुक्त गरेकी हुन् ।
संवैधानिक परिषद्को बैठकले अध्यादेशमार्फत् उनीहरुको नियुक्ति सिफारिश गरेको हो । नियुक्ति सिफारिशपछि प्रतिनिधि सभामा सुनुवाईका लागि दर्ता भएकोमा ४५ दिन कटेपछि उनीहरुको नियुक्ति भएको हो ।नियुक्त भएकाहरुमा लोक सेवा आयोगमा माधव प्रसाद रेग्मी अध्यक्ष छन् ।
