चितवन । चितवन राष्ट्रिय निकुञ्जले गैंडा तस्करीमा संलग्न भएको आरोपमा एकजनालाई पक्राउ गरेको छ । निकुञ्जको चोरी शिकार नियन्त्रण इकाईले सोमे गुरुङलाई नवलपरासीको गैंडाकोट नगरपालिकाको ढोडेनी भन्ने स्थानबाट पक्राउ गरेको हो ।
निकुञ्जका प्रमुख संरक्षण अधिकृत अणनाथ बरालले पक्राउ परेका गुरुङले निकुञ्जमा चारवटा गैंडा मारेको स्वीकार गरेका छन् । उनलाई निकुञ्जले खोजी सूचीमा राखेको थियो । उनका केही सहयोगीलाई यसअघि नै पक्राउ गरिसकिएको छ भने अन्य केहीको खोजी भइरहेको प्रमुख संरक्षण अधिकृत बरालले बताए ।
