लागुऔषध ब्राउनसुगरसहित कञ्चनपुरबाट दुई युवा पक्राउ

कञ्चनपुर । लागुऔषध ब्राउन सुगरसहित कञ्चनपुर प्रहरीले दुई युवालाई पक्राउ गरेको छ। पक्राउ पर्नेमा कञ्चनपुर भीमदत्त नगरपालिका-१ का २४ वर्षीय श्याम पाल र १९ वर्षीय सुरेन्द्र पाल रहेका छन्।

म१प १७८१ नम्बरको मोटरसाइकलमा सवार उनीहरूलाई ५ ग्राम ५ मिलिग्राम ब्राउनसुगरसहित भासीबाट पक्राउ गरिएको प्रहरी उपरीक्षक उमाप्रसाद चतुर्वेदीले जानकारी दिए ।

कञ्चनपुर प्रहरीले पछिल्लो समय ब्राउनसुगर कारोबार तथा प्रयोगमा कडाइ गरिरहेको छ।लागुऔषधको जालो तोड्ने अभियानका क्रममा उनीहरू पक्राउ परेको चतुर्वेदीले बताए।पक्राउ परेकालाई लागुऔषध ओसारपसार तथा नियन्त्रण ऐनअन्तर्गत कारबाही थालिएको छ।