बाँकी काम पूरा गर्छौं : महतो

काठमाडौं । उपप्रधानमन्त्री र सहरी विकास मन्त्रीमा नियुक्त महतोले मधेसको माग र मुद्दाका बारेमा काम गरिररहेको र त्यसकै आधारमा सरकारमा सहभागी हुन लागेको बताए ।’हामीले मधेसको माग मुद्दाकै बारेमा काम गरेका हौं । पहिले पनि त्यसैको आधारमा सरकारमा गयौं । केही कार्यान्वयन भए केही बाँकी छन् । अब तिनलाई पनि हामी सरकारमा गएर कार्यान्वयन गर्छौं ।’

उनले भविष्यमा पनि आफूहरुले मुद्दा केन्द्रित भएरै काम गर्ने बताए ।उनले पार्टीको मूल प्रवाह र बहुमत आफूहरुसँगै रहेको पनि दावी गरे । ‘पार्टीको मूल प्रवाह भनेको हामी हो । बहुमत पनि हामीसँगै छ । उपेन्द्रजीको भनेको मधेसको यादवको जातीय संगठनमात्रै हो । हामीसँग ७० प्रतिशत पकड छ,’ उनले भने ।

उनीले आफूहरु सरकरमा जाँदा पार्टी नफुट्ने र जसपा नै रहने पनि दावी गरे ।जनता समाजवादी पार्टीका नेता राजेन्द्र महतोले आजै साँझ उपप्रधानमन्त्रीको सपथ लिँदैछन् । आजै प्रधानमन्त्री एवं एमाले अध्यक्ष केपी शर्मा ओलीसँग उनको पार्टीको समझदारी भएपछि जसपाका ८ मन्त्री र २ राज्यमन्त्री हुने तय भएको हो । आजै साँझ नवनियुक्त मन्त्रीहरुको सपथ हुँदैछ ।