गृहमन्त्री बादलले चुनाव हारेपछि पूर्वमन्त्री बास्कोटालाई तनाव

काठमाडौँ । निवर्तमान गृहमन्त्री रामबहादुर थापा बादलले चुनाव हार्दा नेकपा एमालेका नेता तथा पूर्व सञ्चार तथा सूचना प्रविधि मन्त्री गोकुल बास्कोटा तनावमा परेका छन् ।

बाँस्कोटाले राष्ट्रिय सभाको उपनिर्वाचनमा बादल पराजित भएपछि कडा प्रतिक्रिया जनाएका छन् । उनले नेकपा एमालेबाट उम्मेदवार बनेका बादल पराजित हुनुमा आफ्नै पार्टीका नेताहरुबाट अन्तर्घात भएको आसय पोख्दै ‘दुध ख्वाएर पालेका साँपले डसे’को जनाएका हुन् ।

उनले सामाजिक सञ्जालमा लेखेका छन्, ‘दुध ख्वाएर पालेका साँपले डसेका हुन् । विपक्षीसँगै कुनै गुनासो छैन,समयको अन्त्य हैन नयाँ सुरुवात मात्र ।’आज भएको बाग्मती प्रदेशको राष्ट्रिय सभा उपनिर्वाचनमा एमालेका आधिकारिक उम्मेदवार रामबहादुर थापा ‘बादल’लाई पराजित गर्दै डाक्टर खिमलाल देवकोटा निर्वाचित भएका हुन् ।