काठमाडौं । प्रधानमन्त्री केपी शर्मा ओलीले आफूले चलाइरहेको सरकार अन्धाधुन्धाको सरकार नभएको बताउनुभएको भएको छ । सोमबार प्रतिनिधिसभा हलमा विश्वासको मत माग्नुपूर्व आफ्नो सरकारले विकासका कामहरु गरेको भन्दै यो सरकार अन्धाधुन्धाको सरकार नभएको उहाँले बताउनुभयो ।

उहाँले भन्नुभयो, ‘यो सरकार अन्धाधुन्धाको सरकार होइन । नेपाल समृद्धि बनाउने चाहना सम्पूर्ण नेपालीको आकांक्षा हो । स्वदेशमै रोजगार सिर्जना गर्न सरकार लागि परेको छ ।’यसैगरी कयौँ संख्यामा विदेश पलायन भएको तर, ४५ लाख नेपालीहरु विदेशमा नरहेको पनि प्रधानमन्त्री ओलीले बताउनुभएको छ ।

उहाँले भन्नुभएको छ, ‘विदेश पलायन कति हो कति ? ४५ लाख भन्छन् मान्छेले तर, त्यत्ति धेरै छैन । एकैचोटी बाजो खेत हराभरा हुँदैनन् । जनतालाई मोटिभेट गर्नुपर्छ । ती काम हामीले गरेका छौँ ।’ युवा स्वरोजगार, महिला उत्थानका काम यो सरकारले गरेको उहाँको भनाइ छ । त्यस्तै, केही बालबालिका सडकमा फालिएका छन् र यहीँ २०७८ सालभित्र सडक बालबालिकामुक्त बनाउने उद्धेश्यका साथ हिँडिँएकोमा सफलता पनि प्राप्त गरेका उहाँले बताउनुभयो ।