काठमाडौ । जनता समाजवादी पार्टी (जसपा)का अध्यक्ष महन्थ ठाकुर र वरिष्ठ नेता राजेन्द्र महतो नेपाली कांग्रेसका सपभाति शेरबहादुर देउवालाई भेट्न देउवाको निवास बुढानीलकण्ठ पुगेका छन्।

देउवासँग विहान ९ बजे भेट्ने कार्यक्रम तय भएअनुसार ठाकुर र महतो बुढानीलकण्ठ पुगेको जसपाका एक नेताले नेपाल लाइभलाई बताए। अहिले देउवा, ठाकुर र महतोवीच भेटघाट जारी छ।

सत्ता समीकरणमा ठाकुर र महतो प्रधानमन्त्री केपी शर्मा ओली नजिक देखिए पनि आइतबार अचानक देउवासँग छलफल गर्न गएका हुन्।विकसित पछिल्ला घटनाक्रमअनुसार जसपाका नेताहरु प्रधानमन्त्री ओलीलाई विश्वासको मत नदिने निक्र्योलमा पुगेका छन्। उनीहरुले कांग्रेस सभापति देउवाको नेतृत्वमा बन्ने नयाँ गठबन्धनलाई पनि सहयोग गर्ने वा नगर्ने भन्ने निर्णय गरिसकेका छैनन्। त्यही तय गर्न देउवासँग ठाकुर र महतोको भेट भएको हो।