काठमाडौं । नेपाल विद्युत् प्राधिकरणलाई २ चिनियाँ कम्पनीले धोका दिएका छन् । कबोलअनुसारको काम नगरेपछि दुवै चिनियाँ कम्पनी कालोसूचीमा परेका छन् । सिनोस्टिल इक्विपमेन्ट एण्ड इन्जिनियरिङ को–लिमिटेड र स्यानडोङ जावोई स्टिल टावर कम्पनी लिमिटेड जिम्मेवारी पूरा नगरेपछि कालोसूचीमा परेका हुन् । यी दुई कम्पनी क्रमशः लिऊ हुई र गाओ हाईफू स्वामित्वका हुन् ।
सिनोस्टिल र स्यानडोङलाई प्राधिकरणको सिफारिसमा ०७८ वैशाख २२ गतेको निर्णयअनुसार २ वर्ष कालोसूचीमा राखिएको सार्वजनिक खरिद अनुगमन कार्यालयले जनाएको छ । त्यसैगरी अन्य नौ निर्माण कम्पनी पनि सरकारको कालोसूचीमा परेका छन् ।प्रधानमन्त्री तथा मन्त्रिपरिषद् कार्यालयमातहतको सार्वजनिक खरीद अनुगमन कार्यालयले विभिन्न सरकारी निकायको सिफारिसमा निर्माण तथा सप्लायर्स कम्पनीलाई १ देखि ३ वर्ष कालोसूचीमा राखेको हो ।
सार्वजनिक खरिद ऐन, २०६३ को दफा दफा १ अनुसार निर्माण तथा आपूर्तिकर्तालाई कालोसूचीमा समेटिएको सार्वजनिक खरिद अनुगमन कार्यालयले जनाएको छ । कार्यालयले भौतिक विकास मन्त्रालयअन्तर्गतको खानेपानी तथा सरसफाइ डिभिजन कार्यालय, सर्लाही, जलस्रोत तथा सिंचाइ विकास डिभिजन कार्यालय, रामेछाप र संखुवासभाको सिफारिसमा क्रमशः शिवराम कन्स्ट्रक्सन प्रालि, राम्चे सिद्ध निर्माण सेवा प्रालि र बेलका कन्स्ट्रक्सन प्रालिलाई ३, २ र १ वर्ष कालोसूचीमा राखेको छ । पशु सेवा विभाग केन्द्रीय रिफरल पशु चिकित्सालय, त्रिपुरेश्वरको कबुलअनुसारको काम नगरेपछि पारश शर्मा स्वामित्वको कोशिकी इन्फोसिस इन्टरनेशनललाई १ वर्ष कालोसूचीमा राख्ने निर्णय गरिएको छ ।
नेपाल विद्युत् प्राधिकरणको सिफारिसमा दुई चिनियाँ कम्पनी पनि कालोसूचीमा समेटिएका छन् । सिनोस्टिल इक्विपमेन्ट एण्ड इन्जिनियरिङ को–लिमिटेड र स्यानडोङ जावोई स्टिल टावर कम्पनी लिमिटेड जिम्मेवारी पूरा नगरेपछि कालोसूचीमा परेका हुन् । लिऊ हुई र गाओ हाईफू स्वामित्वको यी दुई कम्पनीलाई ०७८ वैशाख २२ गतेको निर्णयअनुसार २ वर्ष कालोसूचीमा राखिएको अनुगमन कार्यालयले जनाएको छ ।
त्यसैगरी, स्थानीय पूर्वाधार विकास, सस्पेन्सन वृज डिभिजन, पुल्चोकको सिफारिसमा अधिकारी निर्माण सेवा, जलस्रोत तथा सिंचाइ विकास डिभिजन, भनिमण्डलको सिफारिसमा श्यामबाबु÷ओम मित्र जेभी, ललितपुर र अर्जुनधारा नगरपालिका, झापाको सिफारिसमा कार्की सप्लायर्स भद्रपुर ब्ल्याक लिस्टमा परेको छ ।त्रिभुवन विश्वविद्यालय, इन्जिनियरिङ अध्ययन संस्थान पश्चिमाञ्चल क्याम्पस पोखरासँगको सम्झौताअनुरूप काम नगरेपछि बराह गोबर ग्यास तथा नवीकरणीय ऊर्जा प्रालि, काठमाडौं १ वर्ष कालोसूचीमा परेको छ ।
फेसबुकबाट तपाईको प्रतिक्रिया !