बुटवल । लुम्बिनी प्रदेशका मुख्यमन्त्री शंकर पोखरेलको अविश्वास प्रस्तावको विरुद्धमा माओवादी केन्द्र र नेपाली काङ्ग्रेसको गठबन्धनलाई समर्थन गरेका धर्मबहादुरलाल श्रीवास्तवलाई मन्त्री बनाइएको छ । मुख्यमन्त्री पोखरेलले सोमबार फिर्ता ल्याएर मंगलबार श्रीवास्तवलाई शिक्षा तथा सामाजिक विकास मन्त्री हुन्।

मंगलबार उनीसँगै थप दुई जनालाई मुख्यमन्त्री पोखरेलले मन्त्री बनाएका छन् ।

रुपन्देहीका भोजप्रसाद श्रेष्ठलाई स्वास्थ्य तथा जनसंख्या मन्त्रालय र अर्घाखाँचीका चेतनारायण आचार्यलाई आन्तरिक मामिला तथा कानुन मन्त्री बनाइएको छ ।आइतबार मुख्यमन्त्रीको सपथ ग्रहण गरेसँगै चार जना मन्त्री थप गरेका मुख्यमन्त्री पोखरेलले सोमबार दुई जना र मंगलबार तीन जना मन्त्री थप गरी १० जनाको मन्त्रीमण्डल बनाएका छन्।

अविश्वास प्रस्तावमा समर्थन गरेपछि स्वास्थ्य तथा जनसंख्या मन्त्री हृदयेश त्रिपाठीले थर्काएपछि २४ घण्टा नबित्दै मन्त्री बनेका श्रीवास्तवसँगै अजय शाही युटर्न भएका थिए । सांसद शाही र श्रीवास्तवले आइतबार एमाले संसदीय दलका नेता एवं मुख्यमन्त्री शंकर पोखरेललाई समर्थन नगर्ने निर्णय गरेका थिए।

तर, केन्द्रबाट आफ्नै मन्त्रीले थर्काएपछि २४ घण्टा बित्न नपाउँदै पोखरेललाई नै समर्थन गर्ने निर्णयमा पुग्न बाध्य भएका थिए ।मुख्यमन्त्रीलाई समर्थन गर्न नै असमर्थ भएका श्रीवास्वतलाई मुख्यमन्त्री पोखरेलले मन्त्री बनाएर खुसी बनाएका छन्।