सप्तरी । दुवै प्रहरीको सेटिङमा अहिले सप्तरीको भारदह क्षेत्रबाट गाईगोरूको तस्करी भैरहेको छ। नेपाल प्रहरीको स्थानीय चौकी रहेको छ भने सशस्त्र प्रहरी बलको त सुरक्षा बेश नै रहेको छ। नेपालबाट भारततर्फ अवैधरुपमा गाई गोरु तस्करी हुने गरेको छ ।
नेपाल प्रहरीको हकमा भारदहमा सईको कमान्ड प्रहरी खटिदै आएको छ भने सशस्त्र प्रहरीको हकमा निरीक्षकको कमान्डमा सुरक्षा बेश रहेको छ।दुवै प्रहरीको सेटिङमा गाईगोरूको तस्करीको लाइन पाउनेमा शम्भु सिहं रहेका छन् । सिंहले भारदहका दुवै प्रहरीको प्रमुख मात्रै नभएर ईलाका प्रहरी कार्यालय कन्चनपुरको प्रमुखलाई समेत मिलाएर तस्करीको सेटिङ गरेको खुलासा भएको छ। सुनसरीको सिमावती नाका हुदै गोरु तस्करी गर्ने क्रम बढेको छ ।
भन्सार छलेर भारतबाट ल्याइएका गोरु प्रहरीकै मिलेमतोमा बंगलादेश र भुटानमा तस्करी गर्ने क्रम बढेको हो । तस्करहरुले केही समययता बाटो बदलेर गोरुको तस्करी बढाएका हुन् । भारतबाट भन्सार छलेर ल्याएका गोरु नेपाली किसानसँग किनेको नक्कली कागजात बनाई बंगलादेश र भुटान र्पुयाउने गरिन्छ । तस्करहरुले केही समययता सुनसरीको हरिनगर गाँउपालिकाको घुस्की र बिक्रमपुर नाकालाई तस्करीको वैकल्पिक मार्ग बनाएका छन् ।
तस्करीहरुले गोरुलाई हिडाउदै भारत कटाउने गर्छन । हिडाएरै गोरु तस्करी हुदा सिमा क्षेत्रमा खटिएको शसस्त्र र नेपाल प्रहरीले केही नगर्नुले मिलेमतो भएको देख्न सकिन्छ । हप्ताको दुई पटक गोरुको बथान सिमा कट्ने गर्छ । जसमा एक पटकमा सय भन्दा बढी गोरु हुने गर्छ । मोरङ प्रहरीले गाई गोरु पक्राउ गरेपनि तस्करी भइरहेको पुष्टि गरेको हो । मोरङको धनपालथान गाउँपालिका १ गडेरीया चोकमा नेपालबाट भारततर्फ भन्सार छलेर अवैधरुपमा निकासी गरिरहेको गाईगोरु पक्राउ गरेको हो । झापाका विभिन्न सीमावर्ती क्षेत्रबाट वर्षौँदेखि चलिरहेको गाईगोरुको तस्करी धन्दा हुने गरेको छ ।
मोरङ, सुनसरी, इलाम, पाँचथर, ताप्लेजुङलगायतका क्षेत्रबाट गाईगोरुलाई ठूला ट्रकमा डाली छोपेर ओसारपसार गर्न र सिधैँ सीमावर्ती बजारमा पु¥याउने गरेका छन् । झापा जिल्लामा पछिल्लो समयमा गाई गोरु तस्करी झनै मौलाएको छ। कतै प्रहरीको सेटिङ तस्करी भइरहेको छ, भने कतै प्रहरीको आँखा छलेर तस्कर समूहले गाई गोरु भारत निकासी गर्दै आइरहेको छ। गाईगोरु भद्रपुर ३ स्थित किचकबध नाकाबाट भारत निकासी हुँदै गरेको छ ।
विशेष गरी झापाको बाहुणडाँगी, नकलबन्दा, ज्यामिरगढी, भद्रपुर, केचना, घेरावारी, कुमरखोद, टाघनडुब्बा, गौरीगञ्ज लगायतका नाकाबाट दैनिक गाई गोरु भारततर्फ तस्करी भइरहेको छ। ती नाकाहरू प्रहरी युनिट छ। तर पनि प्रहरी इञ्चार्जहरूले गाई गोरु नियन्त्रणमा खासै चासो देखाएको छैन। प्रहरी युनिटका इञ्चार्ज र सादा पोसाकका प्रहरीले गाई गोरु नियन्त्रणमा चासो नदेखाउँदा प्रहरीकै सेटिङमा तस्करी भइरहेको पुष्टि गर्छ। बाहुण्डाँगी प्रहरी चौकी, नकलबन्दा प्रहरी चौकी, ज्यामिरगढी प्रहरी चौकी, घेराबारी प्रहरी चौकी, इलाका प्रहरी कार्यालय कुमरखोद, इलाका प्रहरी कार्यालय गौरीगञ्जका इञ्चार्जहरूले गाई गोरु बरामद गरी भन्सार बुझाएको रेकर्ड नै देखिँदैन। झापाका ती नाकाहरूमा भ्यान, जिप, ट्रकमा दिनहुँ गाई गोरु ल्याउने र बिहान, बेलुका र रातको समयमा तस्कर समूहले सोजै भारत लैजाने गरेको छ।
