जुवातास खेलाउने वातावरण मिलाइदिनु भन्दै धनुषा प्रहरीलाई घुस दिन खोज्ने मुकेश पूर्वे प्रहरीको फन्दामा

धनुषा । प्रहरीलाई घुस रकम दिन खोजेको आरोपमा एकजना पक्राउ परेका छन्। जुवातास खेलाउने वातावरण मिलाइदिनु भन्दै प्रहरीलाई घुस रकम दिन खोजेको आरोपमा धनुषा जिल्लाको सबैला नगरपालिका-२ का ३७ वर्षीय मुकेश पुर्वेलाई पक्राउ गरिएको जिल्ला प्रहरी कार्यालय धनुषाले जनाएको छ।

पुर्वेले ईलाका प्रहरी कार्यालय ढल्केवरका एक प्रहरीलाई जुवातास खेलाउने वातावरण मिलाइदिनु भन्दै १४ हजार रकम घुस दिन खोजेका थिए।

पक्राउ परेका पूर्वे जुवातास खेलाउने व्यवसायी भएको ईलाका प्रहरी कार्यालय ढल्केवरका प्रहरी निरिक्षक तीर्थकुमार कार्कीले जानकारी दिए । प्रहरी निरिक्षक कार्कीका अनुसार जुवातास खेलाउन दिनु भनी प्रहरीलाई घुस दिन खोजेपछि पुर्वेलाई ढल्केवरको एक होटलबाट पक्राउ गरिएको छ । पक्राउ परेका पुर्वेमाथि थप अनुसन्धान भइरहेको ईलाका प्रहरी कार्यालय ढल्केवरका प्रमुख प्रहरी निरीक्षक कार्कीले जानकारी दिनुभयो ।