रेशमलाई माफी दिनु ओली सरकारकाे अराजनीतिक र सिद्धान्तहीन सौदाबाजी हो : सांसद पौडेल

काठमाडौं । राष्ट्रिय जनमोर्चाकी सांसद दुर्गा पौडेलले सरकार निर्माणका लागि बहुमत जुटाउन चौधरीलाई माफी दिनु सरकारकाे अराजनीतिक र सिद्धान्तहीन सौदाबाजी भएकाे बताएकी छन् ।

‘टिकापुर घटनाको अभियोगमा अदालतबाट सजाय पाएका रेशम चौधरीलाई सरकारले माफी दिने कुरा आम सञ्चारमाध्यममा आइरहेको बेला संसदमा बोल्दै पौडेलले टीकापुरमा २ वर्षको बच्चालाई समेत गोली हानेर हत्या गरिएको थियो । यो अत्यन्त बर्बर, अमानवीय र जर्जर हत्या थियो । यसलाई राजनीतिक भनेर माफी दिनु सही नहुने बताएकी हुन् ।

सरकार निर्माणका लागि बहुमत जुटाउन चौधरीलाई माफी दिइनु कानून र न्यायकै अवहेलना हुने बताउँदै उनले भनिन् सरकारकाे त्यो अराजनीतिक र सिद्धान्तहीन सौदाबाजी हो त्यसलाई सही भन्न मिल्दैन यसो भएमा कानून र न्यायको अवहेलना हुनेछ । देशमा अत्यन्त नराम्रो नजिर पनि स्थापित हुनेछ ।’

थारूमाथि सदियौंदेखि उत्पीडन हुँदै आएको यस समुदायको मुक्ति आन्दोलनलाई आफूले सधै समर्थन गरेकाे बताउँदै उनले भनिन्त,२ वर्षको नाबालकलाई जसरी हत्या गरिएको छ । त्यो जघन्य अपराध हो र त्यसलाई थारु मुक्ति आन्दोलनसँग जोड्नु न्याय संगत हुँदैन ।

सांसद पौडेलले घटनाका जिम्मेवार व्यक्तिमाथि कानुनअनुसार कडाभन्दा कडा सजाय हुनुपर्ने बताउँदै यस मुद्दालाई गम्भिरतापूर्वक हेर्न उनले सरकारको ध्यानाकर्षण पनि गराएकी छिन् ।