रुस र नेपाली साहित्यका साँघु कृष्णप्रकाश श्रेष्ठ रहेनन्

काठमाडौं ।रुस र नेपाली साहित्यका साँघु साहित्यकार कृष्णप्रकाश श्रेष्ठको निधन भएको छ ।भारतका लागि नेपाली राजदूत नीलाम्बर आचार्यले श्रेष्ठको निधन भएको पुष्टि गरेका छन् । श्रेष्ठ लामो समयदेखि मस्कोमा बसोबास गर्दै आइरहेका थिए ।

त्यहीँ उनको निधन भएको हो । श्रेष्ठ नेपाली वाङ्मयमा सर्वाधिक रूसी साहित्यलाई मूल भाषाबाट नेपाली भाषामा अनुवाद गर्ने तथा नेपाली साहित्यलाई मूल नेपालीबाट रूसी भाषामा लैजाने शिखर प्रतिभा हुन् । यसबाहेक अनुसन्धानात्मक तथा सांस्कृतिक महत्त्वका लेखनमा पनि उनको उत्तिकै योगदान छ ।

इ.भा. मिनाएभको नेपाल (यात्रानुभव), रूसमा नेपालको अध्ययन (निबन्ध), नेपाल भाषा साहित्य (इतिहास), ,रूसमा नेपालको छवि (शोध),मार्क्स इन्गेल्स (राजनीति), दर्शनशास्त्रको प्रारम्भिक ज्ञान, उपहार उनले नेपाल र नेपालीलाई दिएको कृति हो । यसबाहेक अन्य दर्जन बढी कृत्ति उनका छन् ।विभिन्न व्यक्तिहरूले उनको निधनप्रति दुःख व्यक्त गर्दै श्रद्धाञ्जली अर्पण गरेका छन् ।