बाँके । नेपालगंज उप-महानगरपालिका वडा नं. ४ बसपार्क स्थित औंसे विष्टले संचालन गरेको अछाम मेचीकाली होटलको कोठा नं. २०२ भित्र अं.१६ वर्षिया वालिका लाई जबरजस्ती करणी प्रयास गरि ज्यान मार्ने मनसायले निजको अनुहार घाँटीमा सल (चुन्नी) कसी बेहोस बनाई छाडि भागि फरार रहेका जिल्ला बाँके नेपालगंज उप-महनागरपलिका वडा नं. ४ घोसी टोल वस्ने वर्ष २० को जुनेद हलवाई लाई मिति २०७७।१२।०३ गते अं.२३:३० बजेको समयमा भारतिय प्रहरीको सहयोगमा यस कार्यालय बाट खटिएको विशेष प्रहरी टोलीले जिल्ला बाँके नेपालगंज उप-महानगरपालिका वडा नं.१५ जमुनाह नाका बाट पक्राउ गरि थप अनुसन्धान भईरहेको छ ।

कर्तव्य ज्यान मुद्दाका फरार प्रतिवादी पक्राउ
बाँके खजुरा गा.पा.६ सिमलघारी बस्ने वर्ष २० को बम बहादुर सार्कीलाई सम्मानित जिल्ला अदालत बाँकेको मिति २०७७।०७।२४ गतेको फैसलाले कर्तव्य ज्यान मुद्दामा २ महिना कैद भई हाल सम्म फरार रहेकोमा मिति २०७७।१२।०४ गते जिल्ला प्रहरी कार्यालय बाँकेबाट खटिएको बिशेष प्रहरी टोलिले निजलाई पक्राउ गरी सम्मानित जिल्ला अदालत बाँकेमा बुझाईएको छ ।
हाल सम्म ५४६ जना फरार अभियुक्त पक्राउ परेका छन ।