प्रधानमन्त्री ओली सत्ताका लागि हत्यारा,बलात्कारी र डाकालाई पनि छोड्न तयार छन् : नेता खतिवडा

काठमाडौं । टीकापुरमा ८ जनाको हत्या आरोपमा जिल्ला अदालत कैलाली र उच्च अदालत पाटनले जन्मकैदको संजाय सुनाएका कैलाली १ का सांसद रेशम चौधरीको कैद मिनाहा गर्न प्रधानमन्त्री केपी ओली तयार भएका छन् ।

उनले जनता समाजवादी पार्टीसँग चौधरीको मुद्दा फिर्ता लिन ओली तयार भइसकेका छन् । चौधरीको कैद संजाय माफ भए पनि उनी कानुनी रुपमा सांसदको रुपमा सदनमा भाग लिन नपाउने अवस्था छ । नेपाली कांग्रेसका युवानेता रामहरि खतिवडाले सत्ताको लागि जुनसुकै अपवित्र गठबन्धन गर्न ओली तयार भएको आरोप लगाएका छन् ।

प्रधानमन्त्री ओलीको बारेमा सामाजिक संजाल ट्वीटरमा खतिवडा लेख्छन्–संविधान, कानुन, नियम, नैतिकताको केही मतलब छैन । हत्यारा, डाका ,चोर, बलात्कारी सबैलाई जेलबाट छोड्न तयार छु । तर म प्रधानमन्त्री र मैले बनाएको मेरो गुटको राष्ट्रपति छोड्न तयार छैन । सत्ताका लागि जुनसुकै अपबित्र गठबन्धन तयार छु । यही नेपाल र नेपालीका लागि ओलीको स्पष्ट अडान हो ।