सीमावर्ती नेपाली क्षेत्रमा रहेका मदिरा पसलहरुबाट अवैध रुपमा बिहारमा मदिरा बिक्री हुने गरेको भारतीय अधिकारीहरुको कथन छ ।‘नेपाली सीमामा मदिरा पसल र रेष्टुरेन्टहरुको खुल्ने क्रम अत्यधिक बढेकोछ’ भारतीय अधिकारीहरुको कथन उद्घृतगर्दै धनुषाका एकजना सुरक्षा अधिकारीले भने, त्यसलाई रोक्न ठोस पहल हुनुपर्ने भारतीय अधिकारीहरुको आग्रह थियो । ‘हामीले सीमावर्ती भारतीय क्षेत्रमा रहेका बजारहरुमा खुल्ला रुपमा पाईने लागुऔषधले नेपाली युवा वर्ग कुलतमा फस्ने गरेकोले त्यसमा कडाई गरि नुपर्छ’ एसपी रानाभाटले भने, भारतबाट भइरहेको तस्करीलाई नियन्त्रणमा सहयोग गर्न हामीले काउण्टर पार्टलार्य आग्रह गर्याै ।’

विभिन्न अपराधका फरार अपराधिहरुलाई पक्राउगरि एक अर्कालाई सहयोग गर्ने विषयमा छलफल भएको उनले बताए ।‘सीमाक्षेत्रमा दुवै देशका सुरक्षा अधिकारीहरुले आपसी समन्वयगरि सुरक्षा व्यवस्थालाई सुदृढ बनाउन सहमति भएकोछ’ रानाभाटले भने, खुल्ला सीमाको कारण एउटा मुलुकमा घटना गरेर अर्को मुलुकमा लुक्ने प्रवृति छ । भारतबाट नेपालमा अबैध रुपमा नेपाली मुद्रा आउने गरेको विषयमापनि छलफल भएको बताइएको छ ।

बैठकमा मधुवनी जिल्लाका एडिएम(एडिशनल डिष्ट्रिक मजिष्ट्रेट) अवधेश राम, एसपी सत्य प्रकाश र भारतीय चेकपोष्टका प्रमुखहरुको सहभागिता रहेको थियो । धनुषाको तर्फबाट प्रहरी उपरीक्षक रानाभाट सहितका सुरक्षाकर्मिहरुको सभागिता रहेको थियो ।