- काठमाडौं , फागुन १४ गते शुक्रबार ।।
- जनप्रभाव न्यूज
प्रधानमन्त्री केपि शर्मा ओलीको प्रेस सल्लाहकार सूर्य थापाले विभाजित नेपाल कम्युनिस्ट पार्टी ( नेकपा ) को अध्यक्षद्वय पुष्पकमल दाहाल प्रचण्ड र माधवकुमार नेपालको नेतृत्वबाट नयाँ सरकार बन्ने सम्भावना कुनै पनि हालतमा नभएको बताएका छन्।
उनले सामाजिक सञ्जाल फेसबुकमार्फत् प्रचण्ड-माधव नेतृत्वको नयाँ सरकार बन्ने सम्भावना असम्भव भएको बताएका छन्। उनले प्रचण्ड-माधव नेतृत्वप्रति कटाक्ष गर्दै गोरु ब्याएर बिगौती खान खोजेजस्तो मात्र भएको टिप्पणी गरेका हुन्।
‘प्रचण्ड र माधवकुमार नेपालको नेतृत्व प्रधानमन्त्रित्वमा नयाँ सरकार बन्ने संभावना त शून्य बराबर, अर्थात् असम्भव नै छ,’ उनले लेखेका छन्, ‘यो गोरु ब्याएर बिगौती खान खोजेजस्तो मात्र हो। कान्तिपुरी नगरी परिक्रमाले देखाएको, अरू हेर्दै जाऔँ।’
प्रधानमन्त्री ओलीले पुष ५ गते गरेको संसद विघटन सर्वोच्च अदालतले बदर गरिदिएपछि प्रचण्ड-माधव पक्ष नयाँ सरकार गठनका लागि सहकार्य खोजिरहेका छन्।
