• एजेन्सी,फागुन १३ गते बिहिवार ।।
• जनप्रभाव न्यूज

स्पेनिस ला लिगामा क्याटलान क्लब बार्सिलोनाले एल्चेमाथि सहज जित निकालेको छ । गएराति भएको खेलमा बार्सिलोनाले एल्चेलाई ३–० गो अन्तरले पराजित गरेको हो ।

बार्सिलोनालाई सहज जित दिलाउनको लागि कप्तान लियोनेल मेस्सीले दुई गोल गरे भने जोर्डी अल्बाले एक गोल गरे । बार्सिलोनाले तीनै गोल दोस्रो हाफमा गरेको थियो ।खेलको ४८ औँ मिनेटमा मेस्सीले गोल गर्दै बार्सिलोनालाई अग्रता दिलाएक थिए । ६८ औँ मिनेटमा उनले नै गोल गर्दै बार्सिलोनालाई २–० ले अगाडि बढाए ।

त्यसको ५ मिनेट नबित्दै ब्रेथवेटकै हेडरबाट आएको बललाई जोर्डी अल्बाले गोलमा परिणत गरे । त्यसपछि दुवै टोलीबाट थप गोल हुन नसक्दा खेल बार्सिलोनाले जित्यो ।यस जितसँगै बार्सिलोना अंक तालिकाको तेस्रो स्थानमा उक्लिएको छ ‌। टोलीको २४ खेलमा ५० अंक छ भने सेभिल्ला २३ खेलमा ४८ अंकसहित चौथोमा छ । शीर्षस्थानको एट्लेटिको म्याड्रिड २३ खेलमा ५५ तथा रियल २४ खेलमा ५२ अंकसहित दोस्रो स्थानमा छ ।