- काठमाडौँ ,माघ २८ गते बुधबार ।।
- जनप्रभाव न्यूज
नेपाल कम्युनिस्ट पार्टी ( नेकपा ) की नेतृ अमृता थापा मगरले नेकपा ओली समुहका नेता तथा गृहमन्त्री राम बहादुर थापा बादललाई आर्यघाट पुराउने चेतावनी दिएकी छन् । उनले पार्टीका विरोधी समूहलाई चिडियाखाना पुर्याउने गृहमन्त्री रामबहादुर थापाको चेतावनीलाई संकेत गर्दै भनिन्- हामीलाई चिडिया खाना हैन, प्रतिगमनका मतियारहरुलाई आर्यघाट पुर्याउँछौँ।
उनले प्रतिगमनविरुद्ध हँसिया/हतौडासहित उत्रन महिलाहरुलाई आह्वान समेत गरेकी छन्।
बलात्कारका घटना बढिरहेको, सरकार उदासिन रहेको र प्रधानमन्त्रीले प्रतिगमनको बाटो रोजेको भन्दै उनले आम महिलालाई त्यस्तो आग्रह गरेकी हुन्।
‘तपाईहरु हँसिया/हतौडा, डाडु पुन्युसहित उत्रनुस्। प्रतिगमन नसच्चिएसम्म संघर्ष गर्नुस्’, नेकपाका प्रचण्ड-नेपाल समूहको शक्ति प्रदर्शन सभामा बोल्दै अनेम संघकी अध्यक्षसमेत रहेकी थापाले भनिन्।
फेसबुकबाट तपाईको प्रतिक्रिया !