- काठमाडौ,माघ २५ गते आइतबार ।।
- जनप्रभाव न्यूज
नेपाल प्रहरीको प्रवन्ध निर्देशनालयमा आफुअनुकूलको ठेकेदारलाई ठेक्का दिन कसरी सेटिङ गरिन्छ र गैर कानुनी काम हुन्छ भन्ने तथ्य नवजनप्रहारले भेटाएको छ। मंगलबार मात्रै प्रहरीको प्रवन्धले विभिन्न सामान खरिदका लागि टेण्डर आव्हान गरेको छ । टेण्डर आव्हान गरिएको सामानहरूमा कटन सट एक लाख पचास हजार मिटर , कटन पाइन्ट एक लाख पचहत्तर हजार मिटर , पार्का ज्याकेट १९ हजार थान ,ऊलन स्वीटर २६ हजार थान, रेनकोट सेट २० हजार , पिटी जुत्ता ४० हजार जोर , व्याग २ हजार थान, हिमाली ज्याकेट ५ सय थान र आरपी सेतो बेल्ट २६ थान रहेका छन् ।
यो टेण्डर प्रक्रियामा प्रवन्धका डिआइजी पूर्षाेत्तम कंडेल र एसपी बस्नेतले कानुन नै मिचेर ऊलन स्वीटरको स्पेक परिवर्तन गरेका छन् । ऊनी स्वेटरमा अघिल्लो पल्ट टेण्डर आव्हान गर्दा ७० प्रतिशत ऊन अनिवार्य गरिएको थियो । अहिले त्यो घटाएर ५० प्रतिशतमा झारिएको छ । यसरी एकैपटक २० प्रतिशत ऊन हटाउनुको पछाडि ठेकेदार र प्रवन्धको सेटिङ हो भन्ने कुरामा बिबाद छैन । जबकि स्वेटर जाडोमा लगाइन्छ न्यानोका लागि तर ऊन नै पचास प्रतिशत राखेपछि त्यसता स्वेटर कत्ति न्यानो होलान ? यसको पछाडि ठेकेदार र प्रवन्धको सेटिङ हो भन्ने कुरामा बिबाद छैन ?कानुनी रूपमा एकपटक टेण्डर आव्हान गरेर रद्द भए फेरि १५ दिनको टेण्डर निकाल्नु पर्छ र त्यसमा सफल नभए फेरि सात दिनको टेण्डर निकाल्नुपर्ने कानुनी प्रावधान छ।
त्यसपछि मात्रै स्पेक परिवर्तन गरेर फेरि टेण्डर निकाल्नुपर्ने कानुनी व्यवस्था छ। तर प्रवन्धले भने यी कुनै पनि कानुनी प्रक्रिया नगरी एक पटक टेण्डर रद्द हुदैमा ऊनी स्वेटरको स्पेक परिवर्तन गरेको छ। यसको पछाडि प्रवन्ध र प्रवन्धका हाकिमसंग नजिक रहेका ठेकेदारको सेटिङ वा मिलिभगत हो भन्ने कुरामा बिबाद छैन । त्यसैगरी पार्का ज्याकेटमा अहिले लागत अनुमानको रकम बढाइएको छ।
पहिले टेण्डर निकाल्दा भन्दा अहिले प्रति ज्याकेट दुई सय रूपैयाँ लागत रकम बढाउनुको पछाडि पनि प्रवन्ध र ज्याकेटको ठेक्का दिन खोजिएको ठेकेदार बीचको सेटिङ हो भन्ने कुरा प्रष्ट हुन्छ । अहिले प्रवन्धमा अनुभव नभएका र काम गर्ने जानकारी नभए का अधिकृतहरू भएकै कारण प्रहरीको ठेक्का प्रक्रिया लथालिङ्ग भएको छ।
