- काठमाडौं,माघ १९ गते सोमबार ।।
- जनप्रभाव न्यूज
मुक्तिनाथ विकास बैंकले डिजिटल भुक्तानीमा प्रोत्साहन गर्न ‘वीच्याट –पे’सँग साझेदारी गरेको छ । यो साझेदारीपछि ‘वी च्याट –पे’ मोबाइल वालेट प्रयोगकर्ताहरुले मुक्तिनाथ बैंक अन्तर्गतका मर्चेन्टहरुमा राखिएको क्यू आर कोड स्क्यान गरी डिजिटल रूपमा रकम भुक्तानी गर्न सकिने बैंकले जनाएको छ।
‘वीच्याट –पे’ मार्फत नेपाल भ्रमण गर्ने चिनियाँ पर्यटक वा व्यापारीहरुले विभिन्न सामाग्री तथा सेवा खरिदको लागि ‘वीच्याट –पे’ मार्फत भुक्तानी गर्न सक्ने पनि बैंकले जारी गरेको विज्ञप्तिमा उल्लेख छ।
बैंकले डिजिटल कारोबारलार्ई प्रोत्साहन गर्न भिसा नेटवर्क अन्तर्गतको जुन सुकै बैंकको एटीएमबाट बिना कुनै शुल्क रकम झिक्न सकिने व्यवस्था गरिएको छ।
त्यसै गरी मोबाइल बैंकिङ, क्यूआर कोड स्क्यान, अनलाईन कर्जा आवेदन, अनलाइन खाता खोल्ने, इन्टरनेट बैंकिङ, खातामै रेमिट्यान्स जम्मा गर्ने जस्ता कामहरु घरबाटै गर्न सकिने व्यवस्था गरिएको बैंकले जनाएको छ।
फेसबुकबाट तपाईको प्रतिक्रिया !