लागुऔषध ब्यूरोको ठुलो सफलता : ३ किलो अफिम सहित एक जना पक्राउ

• काठमाडौं , माघ १८ गते आइतबार ।।
• जनप्रभाव न्यूज

झोलामा तीन किलो लागू औषध अफिम बोकेर काठमाडौंको सडकमा हिँडिरहेका एक व्यक्तिलाई प्रहरीले पक्राउ गरेको छ । प्रहरीको लागू औषध नियन्त्रण ब्यूरो ठूलो मात्रामा लागू औषध अफिमसहित एक जनालाई पक्राउ गरेको छ ।

लागू औषध नियन्त्रण ब्यूरोको टोलीले काठमाडौंको कलंकी (सडक किनारा)बाट शनिबार १ जना ५१ वर्षीय पुरुषलाई पक्राउ गरेको हो । पक्राउ पर्नेमा धादिङको गजुरी गाउँपालिका वडा नम्बर ८ घर भएका ५१ माइला भन्ने म्याक्स लोला छन् ।

ब्यूरोले लामाको साथबाट ३ किलो लागू औषध अफिम बरामद गरिएको जनाएको छ । अफिमसहित पक्राउ परेका लामामाथि लागू औषध (नियन्त्रण) ऐन २०३३ बमोजिम म्याद थप गरी आवश्यक कानूनी कारबाही अगाडि बढाइएको प्रहरीको लागू औषध नियन्त्रण ब्यूरोले जानकारी दिएको छ ।