• लहान,माघ ५ गते सोमबार ।।

• जनप्रभाव न्यूज

प्रहरीको मुख्य काम र कर्तव्य भनेको शान्ती सुरक्षा सङ्गै अपराध नियन्त्रण गर्नु भएता पनि आफ्नो काम र कर्तव्य निष्ठापुर्वक पूरा गर्ने बिरलै पाइन्छन् । तर लहान प्रहरीले भने १३ महिना अघि एक कुशल नेतृत्व पाएको थियो, प्रहरी नायब उपरीक्षक `शरत कुमार थापा क्षेत्री ‘। जसको नेतृत्वले लहाम प्रहरीको गरिमा बढाएको छ ।

१३ महिना अघि ईलाका प्रहरी कार्यालय लहानको प्रमुख जिम्मेवारी सम्हालेका डीएसपी थापाले सिरहा जिल्लाको चुनौतीपूर्ण रहेको लहानको सुरक्षा व्यवस्थालाई मजबुत गर्दै शान्ती सुरक्षा कायम गरि ईलाकामा भईरहने अपराधिक गतिविधि कम गरे । `मुस्कान सहितको नागरिक सेवा ‘भन्ने मुल नारालाई आत्मसाथ गर्दै स्वयं अहोरात्र खटिएर उनले आफ्नो कर्तव्य निर्वाह गरिरहे ।

पछिल्लो पटकको नेपाल प्रहरीको नियमित सरुवामा इलाका प्रहरी कार्यालय लहानका डिएसपी शरत थापा क्षेत्री पनि परेका छन् । नियमित सरुवाको एकवर्षे कार्यकालमा उनी पनि परेका हुन् । यो स्वाभाविक र प्रक्रियागत पनि हो ।

अहिले चौक चौरहा र विशेषगरी राजनीति वृतमा उनको चर्चा चुलिएको छ । चिया गफदेखि चौकचौरहामा उनी कसैका लागि कहिले कुन दिन ? लहानबाट जान्छन् त कोहीले यहाँ उनी हुँदा राम्रो शान्ति सुरुक्षा भएको गन्थन–मन्थनका सुस्केरा हालीरहेका छन् ।

भनिन्छ, तराई–मधेस प्रहरी कार्यालयहरुमा मुद्दा धेरै आउने गर्छन् । केही वास्तविक त केही रिसिइबी साध्ने प्रवृत्तिले आउँछ । जसमा नेताहरु भाजो हाल्छन् । भोटको राजनिति गर्न थाल्छन् । प्रहरीलाई उपयोग गरी जनतलाई मुद्दाका नाममा तर्साउने धम्काउने गर्छन् । अधिकारकर्मी राजकुमार राउत कुर्मी भन्छन्, ‘डिएसपी थापा राजनीति दलको नेताको चपेटामा पर्नुभन्दा परै हुनुहुन्थ्यो । उनी जनताको वास्तविक घटनामा अग्रसर भएर अनुसन्धान बढाउथ्यो । अन्याय कसैलाई पार्ने काम गर्दैन्थ्यो ।’ उनका अनुसार घटनाहरुलाई कानुनी दायरामा रहेर भुमिका निभाएको छ ।

ईलाका प्रहरी कार्यालय लहानमा आर्थिक वर्ष २०७६÷०७७ मा २४९ वटा विभिन्न प्रकृतिका मुद्दा दर्ता भएका छन् । जसमध्ये १६९ वटा फस्र्यौट भएका छन् । अधिकांश मुद्दा डिएसपी थापाकै पालामा टुंगो लागेको छ । उनी लहानमा ०७६ पुस १५ गतेदेखि आएका थिए । चालु आर्थिक वर्ष ०७७÷०७८को हालसम्ममा ११५ वटा मुद्दा दर्ता भएको जसमा ५० वटा फस्र्यौट भएको छ ।

चालु आवमा लागुऔषधको ४९ वटा मुद्दामा ६१ ज्ना प्रतिवादीहरुलाई पक्राउ गरेका छन् । उनीहरुको साथबाट ११८ किलो गाँजा, ५१३ ग्राम ब्राउन सुगर, २०० मिलिग्राम सेतो हिरोइन, १४०७ नाइट्रोभेट ट्याब्लेट, १९३१ फेनारगन, २८० बोतल डाइलेक्स डिसिलगायत लागुऔषध बरामद भएको प्रहरीले जनाएको छ ।

भारतबाट भन्सार छली गरी नेपाल भित्रयाइरहेका अवस्थामा आर्थिक वर्ष ०७६÷०७७ मा १ करोड ३ लाख ६१ हजार ७७७ रुपैयाँको समान बरामद र १६ जना मानिसलाई नियन्त्रणमा लिई भन्सार कार्यालयमा बुझाइएको थियो । त्यसैगरी चालु आवमा २७ लाख ७८ हजार ३३४ रुपैयाँको बराबरको सरसमान र ३ जनालाई भन्सार पठाएको छ । उनी आफ्नो एकवर्षे कार्यकालमा १७ जना फरार प्रतिवादीलाई पक्राउ गरेका छन् । उनीहरुबाट ४ लाख २६ हजार ७७३ रुपैयाँ रुपैयाँ राजश्व असुलउपर भएको छ ।

यसैगरी लहान प्रहरीले उनको कार्यकालमा ४ विघा १३ कठ्ठा जग्गाको २७ हजार ७९० वोट गाँजा फडानी गरेको छ । प्रहरीका अनुसार चालु आव ०७७÷०७८ को हालसम्ममा घरेलु मदिराको कच्चा पदार्थ ३२ हजार ८८९ लिटर, तयारी मदिरा १० हजार ६४० लिटर, १८९ वटा मदिरा बनाउने भाडाकुडा र २ वटा मेसिन बरामद गरी नष्ट गरेका छन् । अवैध रुपमा गिट्टी बालुवा उत्खन्न नियन्त्रण गर्न ४९ वटा ट्याक्टर कारवाहीका लागि लहान नगरपालिकामा बुझाएको थियो । जसबाट २ लाख ४५ हजार राजश्व असुली भएको छ ।

• प्रहरी चौकीहरुमा थप काम

लहानको नगर प्रहरी सडक विभागको एउटा कोठामा सिमित थिए । सैनिकले आफ्नो ब्यारेक हटायो । त्यही ब्यारेक अब प्रहरी बस्न व्यवस्था मिलाउन डिएसपी थापाले पहल थाले । अहिले सरकारको अधिकारिक निकायहरुको काम सकेर १ विघा ५ कठ्ठा ६ धुर जग्गा प्रहरीको नाममा आएका छन् ।

यसैगरी, पक्की टोल प्रहरी चौकीका लागि नयाँ पक्की घर निर्माणाधिन अवस्थामा छ । धनगढीमाई नगरपालिका १२ विष्णुपुरकट्टिका प्रहरी चौकीका लागि पनि ५ कठ्ठा जग्गा बाटोसहित प्राप्त गरेका छन् । त्यसैगरी पहिलेको जग्गामा ४ धुर थपेर भगवानपुर गाउँपालिकाको ठाडी प्रहरी चौकीमा काम अगाडी बढाइएको छ ।

लहान बजारमा शान्ति सुरक्षा कायम गर्न ठाउँठाउँमा सिसिटिभी जडान गराइएको छ । डिएसपी थापाका अनुसार आफुले कानुनी परिधिभित्र रहेर कामहरु गरेका छौँ । सेवाग्राहीहरुले यसको मुल्याकंन गर्नेछन् ।