प्रहरी कार्यालयमै जुवाखाल

• सर्लाही,पुस २२ गते बुधबार ।।

• जनप्रभाव – सम्बादाता

जुवा फौजदारी अपराध हो । प्रहरीले जुवा खेल्नेहरुलाई २५ दिनसम्म थुनामा राखेर मुद्दा चलाउँछ । जुवाडेलाई कारबाही गर्ने प्रहरीहरु आफैं पनि यस्ता गतिविधिमा छन् ।

सर्लाहीको इलाका प्रहरी कार्यालय बरथहवामा दैनिक जसो जुवा खाल चल्ने गरेको छ । प्रहरीहरु बर्दीमै जुवा खेल्दछन् । कार्यालयभित्र जुवा खेलिरहेको भिडियो हालै सार्वजनिक भएको छ ।

तर, यस्तो लापरबाहीमा संलग्नलाई इप्रका बरथहवाका प्रमुख प्रहरी नायब उपरीक्षक ( डिएसपी ) उद्धवसिंह भाटले कारबाही नगरी संरक्षण गरेकाले यसमा उनकै मिलेमतो रहेको आशंका अन्य प्रहरीले गरेका छन् ।