- काभ्रेपलाञ्चोक, पुस १४ गते मंगलवार ।।
- जनप्रभाव – सम्बादाता
आफ्नै श्रीमतीको हत्या गरेको आरोपमा प्रहरीले एकजनालाई पक्राउ गरेको छ । काभ्रे स्थिति बेथानचोक गा.पा.वडा नं,१ हात्तीडुंगा खोलाको छेउमा महिलाको शव भेटिएपछि प्रहरीले जीवन नेपालीलाई पक्राउ गरेको थियो ।
घटनाको सम्बन्धमा प्रहरीले थप अनुशन्धान गर्दा पक्र्राउ परेका नेपाली मृतक महिला नेपालीकी श्रीमती भएको र स्वयम नेपालीले हत्या गरी नदी किनारमा फ्यालेको पुष्टी भएको छ ।
जिल्ला प्रहरी कार्यालयका प्रहरी नायब उपरीक्षक कुमार बिक्रम थापाका अनुसार मृतक महिला ५३ को जीवन नेपालीको श्रीमती बर्ष ४३ की सिता नेपाली भन्ने खुलेको हो । उनीहरुको स्थायी ठेगाना नुवाकोट ओखरपौवा १ घर भई हालबारा निजगढ न,पा। वडा नं, २ बस्ने बर्ष बस्दै आएका थिए । उनीहरु दुवैजना पछिल्लो समय काभ्रेको पनौती, बेथानचोक क्षेत्रमा घर बनाउने मिस्त्रीको काम गर्दै आइरहेको खुलेको प्रहरीकाे भनाइ छ ।
प्रहरी नायव उपरीक्षक थापाका अनुसार मृतकको देवर राजेन्द्र कुमार नेपालीले मृतक शव सनाखत गरि कर्तब्य ज्यान मुद्धामा जाहेरी दरखास्त दिएको र मृतकको श्रीमान् उद्धब भन्ने जीवन नेपाली घटना पश्चात सम्पर्कमा नरही फरार भएका थिए ।
त्यसपछि उनको खोजी थालेको थियो । प्रहरीले जिल्ला बारा, पर्सा र मकवानपुर समेतमा टोली खटाएको थियो । प्रहरी टोलीले नेपालीको पिछा गर्ने क्रममा मकवानपुर हेटौडा उप महानगरपालिका वडा न।१० बसपार्कबाट स्थानीय प्रहरीको सहयोगमा पक्राउ गरेको जनाएको छ ।
पक्राउ परेका नेपालीविरुद्ध जिल्ला अदालत काभ्रेपलाञ्चोकबाट ७ दिनको म्याद थप भई थप अनुसन्धान कार्य भईरहेको जनाएको छ । उनिहरू विच आर्थिक कारोबार सम्बन्धमा बादबिवाद भएकाे खुलेकाे छ ।
