• काठमाडौं : पुस ३ गते शुक्रबार ।।

• जनप्रभाव – सम्बादाता

उपत्यकाको सुरक्षा कमान्ड अतिरिक्त प्रहरी महानिरीक्षक (एआईजी) हरिबहादुर पालले सम्हालेका छ्न् । मन्त्रिपरिषद्‌को २५ मंसिरको निर्णयले प्रहरी प्रधान कार्यालय कार्य एवं अपराध अनुसन्धान विभागमा कार्यरत पाललाई महानगरीय प्रहरी कार्यालय रानीपोखरी सरुवा गरिएको थियो ।

बिहीबारदेखि उनी हाजिर भएका छन् । यसअधि डीआईजी प्रमुख रहँदै आएको महानगरीय कार्यालयमा एआईजीको जिम्मेवारी दिइएको हो । उनलाई रानीपोखरी कार्यालयबाट बढुवासँगै पदस्थापन भएका एआईजी विश्वराज पोखरेललगायतका प्रहरी अधिकारीले स्वागत गरेका थिए ।

पोखरेललाई सरकारले प्रहरी प्रधान कार्यालय कार्य एवं अपराध अनुसन्धान विभागमा पदस्थापन गरेको थियो ।