नेकपाका प्रवक्ता नारायणकाजीलाई सिध्याउन ओलीको ‘मास्टरप्लान’, सिंगै बालुवाटार परिचालन

• काठमाडौं : मङ्सिर ३० गते मंगलवार ।।
• जनप्रभाव : सम्बादाता

सत्तारुढ नेपाल कम्युनिस्ट पार्टी ( नेकपा ) का प्रवक्ता नारायणकाजी श्रेष्ठ यतिबेला गम्भीर संकटमा फसेका छन् । आफ्ना जीवनभरिका सहयोद्धा स्व.कमानसिंह लामाले मर्ने बेला आफ्नो परिवार उजाडेको र सेयरबापतको दुई करोड खाइदिएको अडियो र फेसबुकमा स्टाटस लेखेपछि नारायणकाजी अप्ठेरोमा परेका हुन् ।

तर, यतिबेला सबैभन्दा बढी चासो नारायणकाजीको अडियो र भिडियो कसरी, कुन नियतले सार्वजनिक भयो ? सबैको ध्यान त्यतै गएको छ । मृत्युशैयामा पुगेको मान्छेले सत्य बोल्छ भन्ने मान्यताका आधारमा सबैले कमानसिंहले लेखेको विश्वास गरेका छन् ।

तर, अहिले नेकपाबाटै किन नारायणकाजीको राजीनामा मागिँदैछ ? किन उनको आलोचना भइरहेको छ ? भन्ने मानिसमा खुलदुली देखिएको छ । नारायणकाजी श्रेष्ठले आफूलाई सिध्याउन बालुवाटार परिचालन भएको सार्वजनिक रुपमा बताइसकेका छन् ।

उनले पार्टीका कार्यकारी अध्यक्ष पुष्पकमल दाहाल प्रचण्ड र पूर्वजनमोर्चाका नेताहरुसँग पनि यही कुरा राखेका छन् । आफूलाई सिध्याउन गृहमन्त्री रामबहादुर थापा बादल पनि सक्रिय रहेको उनले खुलाएका छन् ।

नेकपाका प्रवक्तासमेत रहेका श्रेष्ठलाई सिध्याउन सुरुदेखि नै बालुवाटारको लगानी रहेको सनराइजखबर अनलाइन प्रयोग भएको छ । जसले कमानसिंहको मृत्यु भएदेखि नै श्रेष्ठले नै उनको घर उजाड बनाएको, आठ करोड खाएको जस्ता समाचार प्रवाह गरिरहेको छैन, भिडियो संवाद नै सार्वजनिक भएको छ ।

जबकि लामाकी कान्छी पत्नी इन्द्रमायाले समेत सार्वजनिक रूपमै नारायणकाजीको चरित्रहत्या भइरहेको भन्दै आपत्ति प्रकट गरेकी छन् । स्रोतका अनुसार सो अनलाइनलाई बालुवाटारबाटै भिडियो पठाइएको थियो ।

किनभने अरुको पहुँच त्यसमा थिएन । सनराइजखबर प्रधानमन्त्री केपी ओलीकै लगानीमा खुलेको हो । जसमा अहिले बालुवाटारबाट सिधै सूचना पठाइन्छ ।

पार्टीका आफ्ना विरोधी त्यसमा पनि पूर्वमाओवादी नेताको उछितो काढिने गरिएको छ । ओली गुटका नेताहरुले सरकारको बचाउमा त्यहाँ आर्टिकल लेख्ने गरेका छन् ।