- काठमाडौ : मङ्सिर २६ गते शुक्रबार ।।
- जनप्रभाव – सम्बादाता
प्रहरी महानिरीक्षक ( आइजिपी ) शैलेश थापा क्षेत्रीको उपस्थितिमा नेपाल प्रहरी कार्ययोजना २०७७ को चौमासिक प्रगति समीक्षा कार्यक्रम सम्पन्न भएको छ ।
महानगरीय प्रहरी कार्यालय रानीपोखरी तथा भिडियो कन्फरेन्सद्वारा ७ वटै प्रदेश प्रहरी कार्यालयका प्रमुखहरु तथा उपस्थित प्रहरी कर्मचारीहरुको सहभागितमा प्रहरी प्रधान कार्यालयमा शुक्रबार उक्त समीक्षा कार्यक्रम सम्पन्न गरिएको हो ।
उक्त अवसरमा प्रहरी महानिरीक्षक थापा क्षेत्रीले यस समीक्षा कार्यक्रमलाई सकारात्मक रुपमा लिनुपर्ने उल्लेख गर्दै यस्तो क्रियाकलापले संगठनको सुपरिवेक्षण र अनुगमनलाई थप सुदृढ गर्ने विश्वास व्यक्त गर्नुभयो ।
कार्यक्रममा ७ वटै प्रदेश प्रहरी कार्यालयका प्रमुखहरु तथा महानगरीय प्रहरी कार्यालय रानीपोखरीका प्रहरी उपरीक्षकले नेपाल प्रहरी कार्ययोजना २०७७ को चौमासिक कार्य प्रगति प्रस्तुतीकरण गर्नुभएको थियो ।
उक्त अवसरमा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, वरिष्ठ प्रहरी अधिकृतहरु लगायत प्रहरी अधिकृत तथा प्रहरी जवानको उपस्थिति रहेको थियो ।
