एआईजी हरि पालकाे निर्देशन : ‘कानूनको सर्वोच्चता र नागरिकलाई केन्द्रविन्दुमा राखेर सेवा प्रवाह गर्नुस’

नेपाल प्रहरी अतिरिक्त महानिरीक्षक (एआईजी) हरि बहादुर पालले इमान्दार, सक्षम र उच्च मनोवलयुक्त प्रहरी कर्मचारीहरुबाट मात्रै आम नागरिकको सुरक्षाको कार्यभार प्रभावकारी बन्न सक्ने हुँदा कानूनको सर्वोच्चता र नागरिकको सर्वोपरितालाई केन्द्रविन्दुमा राखेर प्रहरी सेवा प्रवाह गर्न निर्देशन दिएका छन् ।

शुक्रबार जिल्ला प्रहरी कार्यालय नवलपरासी (पूर्व) को निरीक्षण एवं अवलोकन पश्चात जिल्ला अन्तर्गत कार्यरत प्रहरी कर्मचारीहरुलाई प्रहरी सेवा प्रवाहका वियषमा निर्देशन सम्बोधन गर्ने क्रममा उनले उक्त कुरा बताएका हुन् ।

साथै प्रहरी नागरिकका समस्या एवं पिडाहरुको निदानकर्ता भएकाले प्रहरी कर्मचारिको गलत आचरण एवं व्यवहारका कारण नागरिकमा थप पिडा एवं नैराश्यता उत्पन्न हुन नहुने बताउदै आफुलाई आचरणयुक्त एवं कार्यदक्षताले भरिपुर्ण प्रहरी कर्मचारीका रुपमा मन, वचन र कर्मले कार्यक्षेत्रमा समर्पित गर्नुपर्नेमा जोड दिएका छन् ।