• सिरहा : कार्तिक २९ गते सनिवार ।।
• जनप्रभाब न्यूज

लागुऔषधको गढ तोड्दै प्रहरी उपरीक्षक ( एसपी ) उमाशंकर पंजियार । सिरहा प्रहरीले ठूलो परिमाणका लागुऔषध सहित पटकाजन्य विष्फोटक पदार्थ नष्ट गरेको छ ।

प्रहरीले जिल्ला प्रहरी कार्यालय हातामा पत्रकार सम्मेलनको आयोजना गरी बरामद भएका लागुऔषध सहितका पटकाजन्य विष्फोटक पदार्थ नष्ट गरेको हो ।

नागिन पटाका १५० बन्डल, झिरझिरी ३०० प्याकेट, चक्रबम २०० प्याकेट, आलुबम ३०० प्याकेट, चकलेट बम ३७५ प्याकेट, बिजुली बम १५० प्याकेट, रकेट बम २२० प्याकेट र फूलझरी ४२० प्याकेट बरामद गरेको छ ।

बरामद गरिएका पटाकासहितका सामग्री करिब पाँच लाख ५५ हजार पाँच सय मूल्यको भएको जिल्ला प्रहरी कार्यालय सिराहाका प्रवक्ता शालिग्राम शर्माले बताए ।

बरामद गरिएका पटाकाहरू जनप्रतिनिधि, प्रशासन कार्यालयका प्रतिनिधि र सञ्चारकर्मीको रोहबरमा खाल्टो पानीमा भिजाएर नष्ट गरिएको प्रवक्ता शर्माले बताए ।

त्यसका अलावा प्रहरीले विभिन्न समयमा बरामद गरी कानुनी प्रकृया पुरा गरेका आगुऔषधजन्य सामग्री समेत नष्ट गरेको छ ।

सिरहा प्रहरीले खैरो हिरोईन सहितका विभिन्न परिमाणमा बरामद भएका आगुऔषध र घरेलु मदिरा समेत पत्रकार सम्मेलनका बिच सार्वजनिक गरी नष्ट गरेको छ । सो क्रममा प्रहरीले एक सातायता जिल्लामा संचालनमा ल्याएको गाँजा फँडानीका क्रममा नष्ट गरिएका करिब ८ हजार ५ सय २९ बोट गाँजा समेत जलाइएको थियो ।

पत्रकार सम्मेलनका बिच सिरहा प्रहरीले जिल्लामा संचालित लागुऔषध केन्द्रीत स्वीप अप्रेसनका साथै अपराध नियन्त्रणमा परिचालित सुरक्षा दस्ताबाट प्राप्त उपलब्धी सार्वजनिक समेत गरेको छ ।

त्यसैगरी लुकाईछिपाई राखिएको अवस्थामा बरामद गरेको एक थान पेस्तोल र गोली समेत प्रहरीले सार्वजनिक गरेको छ ।

जिल्ला प्रहरी कार्यालय सिरहाका प्रमुख प्रहरी उपरीक्षक ( एसपी ) उमाशंकर पंजियारले प्रहरीले हात पारेका उपलब्धी सार्वजनिक गरेका हुन् ।

पत्रकार सम्मेलनमा बोल्दै पंजियारले विगतका वर्षको तुलनामा जिल्लाको शान्ति सुरक्षामा आमूल परिवर्तन आएको बताए । उनले आगुऔषध सहित अपराध नियन्त्रणको सवालमा प्रहरीले ठूलो सफलता हात पारेको दाबी समेत गरे ।

प्रहरीले गत वर्षको तुलनामा भन्सार छली वापत उल्लेख्य रुपमा राजश्व संकलन भएको विवरण समेत सार्वजनिक गरेको थियो । उसले प्रहरी कार्यालयबाट सम्पादित मुद्धा विवरण लगायत अन्य कामकाजका विषयमा समेत पत्रकार सम्मेलनमा सार्वजनिक गरेको थियो ।