नेकपा विवादमा एक पक्षलाई साथ दिने राष्ट्रपतिको सक्रियता गलत हो : नेता रावल

• काठमाडौं : कार्तिक २१ गते शुक्रबार ।।
• जनप्रभाब न्यूज

नेपाल कम्युनिष्ट पार्टी (नेकपा)का नेता भीम रावलले नेकपाको आन्तरिक समस्यामा राष्ट्रपति भण्डारीले एक पक्षलाई साथ दिएर पदको मर्यादा उलंघन र स्थापित प्रणालीको अवज्ञा गरेको बताएका छन्।

उनले पार्टीमा देखिएको विवादमा राष्ट्रपति भण्डारीको सक्रियताको विरोध गरेका हुन्। राष्ट्रपति भण्डारीले गृहमन्त्री सदस्य रामबहादुर थापा र नेकपा उपाध्यक्ष वामदेव गौतमलाई शीतल निवास बोलाएर नेकपाको विवाद समाधानमा भूमिका खेल्न आग्रह गरेको बाहिरिएसँगै रावलले ट्वीटरमार्फत राष्ट्रपतिको आलोचना गरेका हुन्।

रावलले ट्वीटमा भनेका छन्, ‘नेकपाको आन्तरिक राजनीतिक समस्यामा कुनै एक पक्षलाई साथ दिदै राष्ट्रपति सक्रिय रहनुभएको समाचार आइरहेको छ। यदि यस्तो गरिएको हो भने यो राष्ट्रपति पदको मर्यादा र गरिमाको उल्लङ्घन,स्थापित प्रणालीको अवज्ञा र नेकपाको संस्थागत सञ्चालनको मार्गमा अवरोध सिर्जना गर्ने गलत काम ठहरिने छ।’