- सिरहा ,असोज १४ गते बुधबार ।।
- जनप्रभाब – सम्बादाता
जिल्ला प्रशासन कार्यालय सिराहामा बिचौलियाको काममा संलग्न रहेको आरोपमा तीन जनालाई सिरहा प्रहरीले आज पक्राउ गरेको छ ।
सेवाग्राहीलाई विभिन्न किसिमको हैरानी दिइरहेको अवस्थामा सादा पोशाकमा खटिएका विशेष प्रहरी टोलीले उनीहरुलाई पक्राउ गरेको हो । पक्राउ पर्नेमा विष्णुपुर गाउँपालिका-४ बस्ने २५ वर्षीय जितेन्द्र पासवान, सोही ठाउँका १९ वर्षीय राजु पासवान र सिरहा नगरपालिका २ का ३८ वर्षीय जितेन्द्र पासवान छन् ।
सरकारी कार्यालयमा सेवा प्रवाह सुचारु भएसँगै बिचौलियाले सर्वसाधारण सेवाग्राहीलाई दुःख दिने गरेको गुनासोको आधारमा प्रहरीले उनीहरुलाई पक्राउ गरेको प्रहरीको भनाइ छ । पक्राउ परेकाविरुद्व अभद्र व्यवहार शिर्षकमा मुद्दा दर्ता गरिएको सिरहाका प्रहरी प्रबक्ता शालिकराम पौडेलले जानकारी दिनु भयो ।
