- कास्की ,असोज १ गते बिहीबार ।।
- जनप्रभाब – सम्बादाता
ईलाका प्रहरी कार्यालय गैडाकोट पूर्वी नवलपरासी दरबन्दी भई हाल वडा प्रहरी कार्यालय बैदाम कास्कीमा कार्यरत प्रहरी हवल्दार चेत बहादुर थापा मिति २०७७।०५।२८ गते डिउटीमा खटिई रहेको अवस्थामा अकस्मात बिरामी भई उपचारको लागि मणिपाल शिक्षण अस्पताल पोखरा लगिएकोमा उपचारको क्रममा मिति २०७७।०५।३१ गते अन्दाजी १५:५२ बजेको समयमा मृत्यु भएको हुँदा उहाँको पार्थिव शरिरलाई पश्चिमाञ्चल क्षेत्रीय अस्पताल पोखराको प्राङ्गणमा आज मिति २०७७।०६।०१ गते यस जिल्ला प्रहरी कार्यालयका प्रमुख प्रहरी उपरीक्षक जीवन कुमार श्रेष्ठले शोक सलामी सहित श्रद्धाञ्जली अर्पण गर्नु भएको छ ।
उक्त कार्यक्रममा जिल्ला प्रहरी कार्यालयका प्रहरी उपरीक्षक जीवन कुमार श्रेष्ठ, वडा प्रहरी कार्यालयका प्रमुख यादव ढकाल जिल्ला प्रहरी कार्यालय कास्कीका प्र.ना.उ. सुवास हमाल लगाएत सिनियर प्रहरी अधिकृतहरूले उहाँको पार्थिव शरिरमा नेपाल प्रहरी संगठनको झन्डा ओढाउनुका साथै उपस्थित सम्पुर्ण प्रहरी कर्मचारीहरु, आफन्तजन लगाएतले पुष्पगुच्छा सहित श्रद्धाञ्जली अर्पण गर्नुभयो । सोहि अवसरमा प्रहरीको एक टुकडीले शोक सलामी समेत अर्पण गरेको थियो ।
उहाँले नेपाल प्रहरी जस्तो गरिमामय संगठनलाई दिनुभएको योगदान प्रहरी संगठनले कहिल्यै नभुल्ने र नेपाल प्रहरी संगठन सदैव उहाँहरुलाई याद गरीरहेने छ । उहाँहरुको आत्माको चिर शान्तिको कामना सहित शोक संन्तप्त परिवार प्रति प्रहरी संगठन हार्दिक समवेदना प्रकट गर्दछ ।
