- भक्तपुर ,भदौ २७ गते सनिवार ।।
- जनप्रभाब – सम्बादाता
भक्तपुरमा एकै घरका ३ जना मृत भेटिएको घटनामा प्रहरीले गरेको प्रारम्भीक अनूशन्धानमा पारिवारिक कलहका कारण भएकाे तथ्य फेला पारेको छ । शुक्रबार राति भक्तपुरको मध्यपुर थिमि नगरपालिका–६, कुन्डोलमा एकै घरका ३ जनाको जनाको शव फेला परेपछि प्रहरीले घटनाबारे अनूशन्धान गरिरहेको छ ।
उनीहरु एकै परिवारका श्रीमान, श्रीमती र छोरा रहेका छन् । प्रहरीको प्रारम्भीक अनूशन्धानबाट श्रीमानले श्रीमती र छोराको हत्या गरेर आफूले पनि आत्महत्या गरेको खुलेको छ । प्रहरीका अनुसार घटना भएको घरको पहिलो तलामा छोरा सुशान्त, दोस्रो तलामा उनकी आमा सम्झनाको शव र तेस्रो तलामा सुदिपको शव फेला परेको थियो ।
सुदिपका छोरा १५ बर्षका थिए भने श्रीमती सम्झना ३४ बर्षकी थिइन् । सम्झना र शुसान्तको शव टाउकोमा धारिलो हतियार प्रयोग गरी गहिरो चोट लागेको अवस्थामा रहेको तर सुदिपको शरीरमा चोटपटक नभएकोले उनको घटना गराउनमा उनकै हात रहेको प्रहरीको अनुमान छ ।
सुदिपले छोरा र श्रीमतिको हत्यापछि बिष सेवान गरेर आत्महत्या गरेको हुनसक्ने अनुमान गरेपनि पोष्टमार्टम रिपोर्ट भने आइसकेको छैन । उनीहरु तीनै जनाको शव परीक्षणका लागि त्रिवी शिक्षण आस्पताल महाराजगञ्जमा राखिएको छ ।
प्रहरीले अनुशन्धानका क्रममा सो घरमा पारीवारिक कलह हुँदै आएको तथ्य पनि फेला परेको जनाएको छ । प्रहरीले छिमेकीमा सोधपुछ गर्दा श्रीमान श्रीमतिबीच विवाद हुँदै आएको बताएका छन् ।
केहि समयअघि सम्म श्रीमानले जागिर गर्ने गरेको तर पछिल्लो समय जागिर छाडेपछि घरमा कलह हुँदै आएको छिमेकीले बताएको प्रहरीले जनाएको छ ।
फेसबुकबाट तपाईको प्रतिक्रिया !