- सप्तरी ,भदौ २३ गते मंगलवार ।।
- जनप्रभाब – सम्बादाता
सप्तरीको हनुमाननगर कंकालिनी नगरपालिका वडा नं. ६ स्थित कोशी नदीको बाटो हुँदै सोमबार बिहान ४ बजेतिर डुङ्गामा राखेर लैजादै गरेको अवस्थामा उक्त परिमाणको हरियो मटर प्रहरीले बरामद गरेको हो ।
इलाका प्रहरी कार्यालय हनुमाननगरबाट खटिएको प्रहरी टोलीले कोशी पलार क्षेत्रबाट भइरहेको तस्करीबारे खबर पाएपछि पुग्दा तस्कर भने फरार भएको जिल्ला प्रहरी कार्यालय सप्तरीले जनाएको छ ।
बरामद सामानहरु सोमबारै आवश्यक प्रक्रिया पूरा गरि बेल्हीस्थित राजविराज भन्सार कार्यालयमा बुझाइएको डिएसपी तिलक भारतीले जानकारी दिनु भयो ।
लकडाउनका कारण सीमानाका क्षेत्रमा प्रहरीले निगरानी कडा पारेपछि तस्करहरुले अहिले सप्तकोशी नदीलाई तस्करीका सरसामान ओसारपोसारका लागि प्रयोग गर्न थालेका छन् ।
दुई साताअघि पनि सोही क्षेत्रबाट सशस्त्र प्रहरीले डुङ्गामा राखी भारततर्फ चोरी तस्करी गरि लैजादै गरेको अवस्थामा १ सय ७५ बोरा हरियो मटर बरामद गरेको थियो ।
