एसपी गुरुङ भन्छन् : सामाजिक दुरी र सुरक्षा मापदण्ड कायम नभए कार्वाही

साथै व्यवसाय गर्दा एकपटकमा बढिमा पाँच जना भन्दा बढि ग्राहकलाई प्रवेश नगराउनको लागि जिल्ला प्रहरी कार्यलय चितवनले अनुरोध गरेको छ । “जिल्लामा सञ्चालन गर्न भनिएका व्यापारीक संस्था पसलहरुले न्युनतम कर्मचारी मात्र राख्नुपर्छ । ”जिल्ला प्रहरी कार्यालय चितवनका प्रमुख तथा प्रहरी उपरिक्षक नान्तिराज गुरुङले जारी गरेको विज्ञप्तीमा लेखिएको छ, “व्यापारिक संस्था, पसलहरुको खुल्ला क्षेत्र हेरेर सामाजिक दुरी कायम हुने गरी एक पटकमा बढिमा ५ जना ग्राहकमात्र प्रबेश गराउनुहोस् ।”

डिपार्टमेन्ट स्टोर र फेन्सी पसलहरुले रेडिमेड गार्मेण्टको ट्रायल गर्न ट्रायल रूम प्रयोग नगराउनको लागि गुरुङले व्यवसायीलाई अनुरोध गर्नुभएको छ ।

सरकारी कार्यालयका सेवाग्राहीहरुले प्रायोजन खुलेको वडा कार्यालयको सिफारिसका आधारमा आवतजावत गर्न दिने प्रहरीले जानकारी दिएको छ । सम्भव भएसम्म सवारी साधानको प्रयोग नगर्न समेत अनुरोध गरिएको छ । सरकारी कार्यालयमा न्यूनतम कर्मचारी राखेर सेवा सञ्चानल गर्न जिल्ला प्रशासन कार्यालय चितवनले निर्देशन दिएको छ ।

जिल्ला सुरक्षा समितिको हिजो(शुक्रवार) बसेको बैठकले हरेक दिन १० बजेदेखि ४ बजेसम्म बैंक तथा वित्तिय संस्था, किराना पसल, निर्माण समाग्री, कपडा पसल, बिजुली पसल, भाडाकुँडाका पसलहरु सञ्चालन गर्न छुट दिने निर्णय गरेको थियो । चितवनमा निषेधाज्ञा भदौ ३१ गते सम्मका लागि तोकिएको छ ।