- बारा,भदौ १८ गते बिहीबार ।।
- जनप्रभाब – सम्बादाता
निजगढबाट भरुवा बन्दुकसहित बाउ छोरा पक्राउ परेका छन् । निजगढ १ पिपलटारस्थित धन्सार खोलाबाट प्रहरीले शुक्रबार राती दुई थान भरुवा बन्दुक सहित उनीहरुलाई नियन्त्रणमा लिएको पक्राउ पर्नेमा निजगढ १ का ५७ वर्षिय प्रेमबहादुर स्याङ्गतान र उनका छोरा ३३ वर्षिय जनक बहादुर स्याङ्गतान रहेका छन् । पक्राउ परेका उनीहरुले बन्दुक जंगलमा रुखको टोर्कोमा भेटिएको बताएका छन् ।
ईलाका प्रहरी कार्यालय निजगढका प्रमुख प्रहरी निरीक्षक विकाश थपलिया र अस्थायी प्रहरी पोष्ट सिङगोलका प्रहरी सहायक निरीक्षक गजेन्द्र चौधरीको नेतृत्वको संयुक्त प्रहरी गस्ती टोलीले उनीहरुलाई नियन्त्रणमा लिएर अनुसन्धान सुरु गरेको छ ।उनीहरुलाई आईतबार हातहतियार तथा खरखजना मुद्दामा अनुसन्धानका लागि म्याद थपका लागि जिल्ला अदालत पेश गरिने प्रहरी निरीक्षक थपलियाले जानकारी दिनु भयो ।
फेसबुकबाट तपाईको प्रतिक्रिया !