सभामुख सापकोटाको पहलमा लिदीका पहिरो पीडितलाई सोलार वितरण

जंगलको बिचमा विद्युतलगायतका सुविधा त्यहाँ नहुदा विस्थापितहरु समस्यामा थिए । तर प्रतिनिधिसभाका सभामुख अग्निप्रसाद सापकोटाको पहलमा वैकल्पिक ऊर्जा प्रवद्र्धन केन्द्रले सोलार बत्ती उपलब्ध गराएपछि विस्थापितहरु खुसी भएका छन् ।

बाँसखर्क जंगलमा अहिले एक सय बढी अस्थाई टेण्ट विस्थापितहरुका लागि राखिएको छ । पहिरोबाट विस्थापित भएका पीडितहरु बाँसखर्कमा आएर बस्न सुरु गरेको दुई दिन भित्रमा नै वैकल्पिक ऊर्जाले सबै टेण्टमा सोलार बत्ती राखेपछि टेण्टमा बसेकाहरुलाई तत्कालको लागि विद्युत नहुदा पनि कुनै समस्या नभएको वडा अध्यक्ष प्रताप तामाङले जानकारी दिनुभयो ।

‘टेण्टमा विद्यतु नहुदा समस्या हुने भएपछि हामीले सभामुख ज्युलाई आग्रंह गरेका थियौं, उहाँको पहलमा सभामुखले यही आएर नै हामीलाई सोलार प्रदान गर्नुभएको छ’, वडा अध्यक्ष तामाङले भने । राष्ट्रिय प्रशारण लाइन नपुगेको र विपत्तीका समयमा अस्थाई शिवीरमा बस्नेहरुका लागि वैकल्पीक ऊर्जा धेरै प्रभावकारी भएको जुगल गाउँपालिकाका अध्यक्ष होमनारयण श्रेष्ठले जानकारी दिनु भयो ।

बाँसखर्कको अस्थाई टेण्टमा एक सय थान सोलार बत्ती राखिएको वैकल्पीक ऊर्जा प्रवद्र्धन केन्द्रका कार्यक्रम संयोजक इन्जिनियर दिपक पौडेलले जानकारी दिए । ऊर्जाले २० वाट क्षमताको सोलार प्यानल बाँसखर्कमा रहेका पीडितहरुलाई उपलब्ध गराएको छ । घाम राम्रो लागेको बेलामा चार वटा वत्ती बल्ने र मोबाइल चार्ज गर्न समेत हुने भएकाले यो सोलार प्यानल निकै प्रभावकारी हुने पौडेलले बताए । चार/पाँच घण्टा घाम लाग्दा बेलुकी ६ घण्टा भन्दा बढी बत्ती बाल्न मिल्ने पौडेलले बताए ।

वैकल्पीक ऊर्जा प्रवद्र्धन केन्द्रले गाउँपालिका सँग समन्वय गरेर टेण्टमा सोलार प्यानल राखीरहेको पौडेलले जानकारी दिए । हामीले दुइ जना प्राविधिकहरु खटाएका छौ,गाउँपालिकाले भनेको स्थानमा सोलार प्यानल जडान भइरहेको कार्यक्रम संयोजक पौडेलले जानकारी दिए । बाह्रविसे, भोटेकोशी लगायत अन्य आवश्यक ठाउँमा पनि माग भएमा यस्ता सोलार प्यानल उपलब्ध गराउन सकिने वैकल्पिक ऊर्जा केन्द्रले जानकारी दिएको छ । वैकल्पीक ऊर्जा प्रवद्र्धन केन्द्रका कार्यकारी प्रमुख मधुसुधन गुरागाँइले सभामुख मार्फत लिदी पहिरो पीडितहरुका लागि सोलार प्यानल उपलब्ध गराएका थिए ।

विस्थापितहरुलाई घरायसी सामग्री पनि
सभामुख अग्नि प्रसाद सापकोटाको पहलमा राष्ट्रिय विपद जोखिम न्युनिकरण तथा व्यवस्थापन प्राधिकरणले ले सिन्धुपाल्चोकका बाढीपहिरोबाट समस्यामा रहेका तीन स्थानीय सरकारलाई अति आवश्यक घरायसी सामग्री पनि हस्तान्तरण गरिएको छ । प्राधिकरणले उपलब्ध गराएको त्रिपाल, म्याट्रेसलगायतका आधरभुत अस्थाई बसोबासका सामग्री ३ सय सेट,अस्थाई बसोबास निर्माणमा प्रयोग हुने औजार ३ सय सेट, भान्सा खानपिन तथा सामन राखनधरण गर्न २४ किसीमा भाडाँवर्तन सहित १ सय ५० थान रहेका छन् ।

त्यस्तै ब्लाङकेट ३ सय थान, उनको ब्यालङकेट, ज्याकेट सहलसहित न्यानो कपढा ३ सय सेट, स्गानीटरी प्याड, ब्रसलगायतका सामग्री १ सय ५० सेट,बेबी स्मल प्याक १ सय ५० सेट, बेबी बिग प्याक १ सय ५० सेट र ३० किसिमका सरसफाई सामग्री १ सय ५० थान प्राधिकरणका कार्यकारी प्रमुख अनिल पोखरेलले सभामुख सापकोटालाई हस्तान्तरण गरेका थिए ।

विस्थापितलाई छिट्टै स्थायी बसोबासको व्यवस्था हुन्छ
विस्थापित भएर बाँसखर्कको जंगलको जग्गामा आएर बसेका पीडितहरुलाई भेट्न पुगेका सभामुख अग्नि सापकोटाले केही महिना अस्थाई शिवीरमा बस्नु परेपनि छिटोभन्दा छिटो स्थायी बसोबास हुने व्यवस्थाका लागि आफुले पहल सुरु गरेका बताए । विस्थापितहरुलाई विभिन्न राहात सामग्री सहित बाँसखर्कमा पुगेका सभामुख सापकोटाले भने–‘अहिले तपाँइहरु माझमा आउँदा खाली हात किन आउनु भनेर ‘टोकन अफ लभ’ लिएर आएको छु, अर्काे पटक आउँदा तपाँइहरुलाई स्थायी रुपमा बसोबास गर्ने व्यवस्था गरेर मात्रै आउँछु ।’

काठमाडौमा उच्चस्तरीय छलफलमा लिदीलगायत सिन्धुपाल्चोकको बाह्रविसे र भोटेकोशी बाढीपहिरो पीडितहरुलाई स्थायी बसोबास र क्षती भएका संरचना निर्माणमा साझा सहमती जुटाएर मात्रै आफु यहाँ आएको बताए ।सभामुख सापकोटाले जिल्लाबासीको पीडा, दुःख र कठिनाइका विषय प्रधानन्त्री केपी शर्मा ओलीलाई भेटेर सबिस्तार जानकारी गराउने बताए । लिदी पहिरोमा परिवार गुमाएका बालबालिकाको व्यबस्थापन गरिने बताउँदै उनीहरुको शिक्षादिक्षाको उचित व्यबस्था गरिने जानकारी दिए ।

राजधानी दैनिक बाट