४१ संक्रमित, ८० क्वारेन्टिनमा
- सुनसरी ,भदौ १२ गते शुक्रबार ।।
- जनप्रभाब – सम्बादात
-
प्रशासनले जारी गरेको निषेधाज्ञादेखि नागरिक सुरक्षामासमेत खटिने प्रहरी कर्मचारी एकपछि अर्को कोरोना संक्रमित हुन थालेपछि यसले सुनसरी प्रहरीलाई अप्ठ्यारोमा पारेका छन् ।
१ हजार जनाको दरबन्दी रहेको सुनसरीमा त्यसैपनि दरवन्दीअनुसार जनशक्ति नहुँदा सुरक्षा ब्यवस्था मिलाउन अप्ठ्यारो परिरहेको अवस्थामा ठूलो जनशक्ति कोरोना संक्रमित हुनु र क्वारेन्टिमा बस्नु पर्ने अवस्थाका कारण दैनिक काममा समस्या पर्न थालेको स्वयम प्रहरी अधिकारीहरु बताउँछन ।
जिल्ला प्रहरी कार्यालय सुनसरीका एसपी कमल थापाले प्रहरीमा कोरोना संक्रमित बढेसँगै दैनिक काममा समस्या भएको स्विकार गरे ।
सुनसरीमा अहिलेसम्म ४१ जना प्रहरी कोरोना संक्रमित भएका छन भने कन्ट्याक ट्रेसिङको आधारमा ८० जना प्रहरी क्वारेन्टाईनमा छन । जसका कारण कामकाज प्रभावित हुदै गएको एसपी थापा बताउँछन । ‘हामीले अहिले जघन्य अपराध बाहेकका घट्ना हेर्न समेत भ्याएका छैनौ’ उनले भने ।
अझै जिल्ला प्रहरी कार्यालय सुनसरीमा सञ्चालित चमेनागृहका सञ्चालक र थुनुवामा संक्रमण देखिदा केही समयसम्म कार्यालय नै अनौपचारिक रुपमा आइसोलेसनमा बस्नु पर्ने अवस्थासमेत सृजना भएको थियो ।
भारतसँग खुल्ला सिमा भएको सुनसरी कोरोना संक्रमणको उच्च जोखिममा रहेको छ त्यसैले पनि सीमाबाट हुने अबैद्य प्रवेशलाई रोक्न, तस्करी रोक्न, प्रशासनले लागु गरेको निषेधित क्षेत्र कार्यान्वयन गराउन, सरकारको स्वास्थ्य सम्बन्धी मापदण्ड कार्यान्वयन गराउनसँगै सुरक्षा ब्यवस्था कायम गराउन ठूलो जनशक्ति आवश्यकय छ ।
अझै प्रदेश एककै ठुलो शहर सुनसरीको धरान र इटहरीसँगै सदरमुकाम इनरुवा, औद्योगिक शहर दुहवीसहितका स्थानीय तह पनि कोरोना संक्रमितको संख्या दैनिक बढ्दो छ । सरकारको लकडाउन सुनसरी प्रशासनको निशेधाज्ञा समेत सर्वसाधरणहरुले मानेका छैनन् । यस्तो अवस्थामा प्रहरी अझै सक्रिय बन्नु पर्ने बेलामा प्रहरीभित्र बढ्दो संक्रमण र क्वारेन्टिनले समस्या उत्पन्न गरेको छ ।
इनरुवा ,धरान र इटहरीमा पछिल्ला दिनहरुमा बढिरहेको संक्रमणलाई दृष्टिगत गर्ने हो भने अबका दिनहरु झन कठिन र भयावहपुर्ण हुने देखिन्छ । जिल्ला प्रशासन कार्यालयले संक्रमण रोकथामका लागि निषेधाज्ञा जारी गरे पनि निशेषाधालाइ कडा रुपमा कार्यान्वयन गर्न सकिरहेको छैन ।
रोकथामका लागि सडकमा खटिने प्रहरीहरुलाई पनि कोरोना संक्रमण बढेको छ । इलाका प्रहरी कार्यालय इटहरीमा मात्र १० जनामा कोरोना संक्रमित देखिएको छ । इलाका प्रहरी कार्यालय इटहरीका डिएसपी धर्मराज भण्डारीले अहिलेसम्म १० जनामा कोरोना संक्रमण भेटिएको बताए । एक जना निको भएका छन ।
लकडाउनमा खटिने प्रहरीहरुमा कोरोना देखिएकाहरुको कन्ट्याक्ट ट्रेसिङको आधारमा हेर्दा इटहरीमा थुनुवाबाट कोरोना सरेको प्रहरीको शंका छ । इटहरीमा ९ जना आईसोलेसनमा १६ जना क्यारेन्टाईनमा बसेका छन । २५ जना प्रहरी क्वारेन्टाईनमा बस्दा काममा समस्या भएको इलाका प्रहरी कार्यालय इटहरीले जनाएको छ ।
कोरोनाको समयमा पनि जोखिम मोलेर काम गर्न बाध्य बनेको इलाका प्रहरी कार्यालय इटहरीमा अहिले २५ जना प्रहरीको संख्या घटेको छ । जसका कारण दैनिक कामकाजमा समस्या भईरहेको इलाका प्रहरी कार्यालय इटहरीका डिएसपी भण्डारी बताउँछन । उनी भन्छन् कामकाजमा समस्या हुन थाल्यो ।
सुनसरीमा अहिले सम्म ५ सय ८ जना कोरोना संक्रमित भएका छन । सुनसरीभरी १८ हजार १ सयको स्वाब लिदा ५ सय ८ जना संक्रमित भएको छन । जस मध्ये धरानमा ३ जनाले ज्यान गुमाईसकेको जिल्ला जनस्वास्थ्य कार्यालयका फोकल पर्सन सिर्जना लिङ्थेपले बताईन । सुनसरीमा हाल सम्म २ सय २३ जना संक्रमित निको भएर घर फर्किसकेका छन ।
फेसबुकबाट तपाईको प्रतिक्रिया !