एक्सनमा एसपी ओली : २८ लाख भन्दा बढी रकमसहित १ जना पक्राउ

सिमा क्षेत्र भारतबाट नेपालतर्फ बीआर३०एन९५८० नम्बरको मोटरसाइकलमा आउँदै गरेका राजपुर नगरपालिका वाड नम्बर ९ बैरिया बस्ने २० बर्षीय दिलिप कुमार साहलाई चेकजाँच गर्दा सो रकम फेला परेको सशस्त्र प्रहरी बल नेपाल नं. ११ गण हे.क्वा. रौतहटबाट सशस्त्र प्रहरी उपरीक्षक सूर्य बहादुर सेन ओलीले जानकारी दिनु भयो ।

बिषेश सुचनाको आधारमा शसस्त्र प्रहरी उपरिक्षक ओलीकै कमाण्डमा गएको टोलीले सो श्रोत नखुलेको रकम बरामद गरेको हो । निजबाट नगद, मोटरसाईकल र मोबाइलसहित नियन्त्रणमा लिएको र आवश्यक कारबाहीको लागि गौर भन्सार कार्यालयमा बुझाउने प्रक्रियामा रहेको शसस्त्र प्रहरी उपरिक्षक ओलीले जानकारी दिए । उक्त घटनाबार थप अनुसन्धान भइरहेको समेत ओलीले बताएका छन् । यसअघि पनि रौतहटको सिमा क्षेत्रमा श्रोत नखुलेको रकम पटक पटक बरामद हुँदै आइरहेका छन ।