बागमती प्रदेश तालीम केन्द्र सिन्धुली दुधौलीमा हतकडी प्रयोग विधि सम्बन्धी अनुशिक्षण तालिम सम्पन्न

• बागमती ,भदौ १० गते बुधबार ।।
• जनप्रभाब / सम्बादाता

बागमती प्रदेश तालीम केन्द्र सिन्धुली दुधौलीमा कार्यरत प्रहरी जवान देखि जुनियर प्रहरी अधिकृतसम्मका १०८ जना प्रहरी कर्मचारीहरुलाई विभिन्न समूहमा बिभाजन गरी व्यवसायिक दक्षता अभिबृद्धिको निमित्त मिति २०७७।०५।०७ गते देखि संचालन गरिएको दुई कार्यदिन अवधिको “हतकडी प्रयोग विधि सम्बन्धी अनुशिक्षण तालिम” आज मिति २०७७।०५।१० गते यस केन्द्रका समादेशक प्र.व.उ. सन्दिप भण्डारीको प्रमुख आतिथ्यतामा एक समारोहका बीच समापन भएको छ ।

तालिम समापनको अवसरमा प्र.व.उ. भण्डारीले हतकडी प्रयोग सम्बन्धमा आफ्नो व्यवसायिक जीवनको अनुभव बताउनु हुँदै अपराध नियन्त्रण तथा अनुसन्धान र समाजमा शान्ति सु-व्यवस्था कायम राख्न प्रत्येक प्रहरी कर्मचारी हतकडी प्रयोग लगायत अन्य Basic Police Tactics And Techniques बारे सैद्धान्तिक एवं व्यवहारिक ज्ञान, सीप र कौशलतमा निपूर्ण हुन आवश्यक रहेको कुरामा जोड दिँदै यस तालिमले सहभागीहरुलाई व्यवसायिक दक्षता अभिबृद्धि गर्नुका साथै हतकडी प्रयोग सम्बन्धमा समय सापेक्ष अद्यावधिक गराएको कुरा व्यक्त गर्नुभयो । यसका साथै विश्वभर फैलिरहेको कोभिड-१९ संक्रमणको बर्तमान समयमा हतकडीको प्रयोग गर्ने क्रममा अपनाउनु पर्ने सुरक्षात्मक उपायहरुको बारेमा समेत निर्देशन दिनु भएको थियो ।

उक्त तालिम समापन कार्यक्रममा तालिम संयोजक प्र.नि. लक्ष्मण के.सी.ले तालिम सम्बन्धी प्रतिबेदन प्रस्तुत गर्नुभएको थियो भने सहभागीहरुको तर्फबाट प्र.स.नि. प्रशान्त राईले यस तालिमबाट हतकडी प्रयोग विधि सम्बन्धी सैद्धान्तिक एवं व्यवहारिक ज्ञान, सीप र कौशल प्राप्त गरेको र यसलाई प्रशिक्षणका गतिविधिमा समेत प्रयोग गर्न सक्ने आत्मविश्वास बृद्धि भएको कुरा व्यक्त गर्दै यस किसिमको तालिम संचालन गरी सहभागी हुने अवसर प्रदान गरिएकोमा धन्यबाद दिनु भएको थियो ।