- झापा,भदौ १० गते बुधबार ।।
- जनप्रभाब – सम्बादाता
झापा गाँउपालिका ३ कामाटोलीमा सशस्त्र प्रहरी माथि आक्रमण भएको हो । प्रहरीले आत्मरक्षाका लागि गोली चलाउँदा एक जनाको निधन भएको छ । गोरु काटेको खबर पाएर गएको टोली माथि आक्रमण भएको थियो । पक्राउ गर्न गउको टोली माथि जाइलागेपछि प्रहरीले गो’ली चलाएको जनाएको छ । प्रहरीको गोली लागि कामाटोलीका ३८ वर्षीय रमिकुल आलमको निधन भएको हो ।
गोरु काटेको खबर पाएपछि प्रहरी टोली त्यता गएको थियो । गएको टोलीले मात्र अवस्था नियन्त्रण गर्न नसक्ने अवस्था देखेर प्रहरी टोलीले थप मद्दत मागेको थियो । त्यस पछि गएको सशस्त्र प्रहरीमाथि स्थानीयले आक्रमण गरेको हो ।
सोक्रममा गोली लागि गम्भीर घाइते भएका ३८ वर्षीय आलमको बी एण्ड सी अस्पताल विर्तामोडमा उपचारका क्रममा साँझ सवा ७ बजेतिर निधन भएको अस्पतालले जनाएको छ ।
प्रहरीले गोरुको टाउको र खुट्टा बरामद गरेपछि आक्रोशित बनेका स्थानीयबासी प्रहरी माथि नै जाइलागेका थिए । सो क्रममा दर्जनौँको समूहमा रहेका स्थानीयहरु टायर बालेर नेपाल प्रहरी र सशस्त्र प्रहरीमाथि जाइ लागेका थिए ।
झापा गाउँपालिकाका प्रमुख जय नारायण साहका अनुसार गोरु काटेको निहुँमा प्रहरीले दिउँसो दुई जनालाई पक्राउ गरेर सदरमुकाम लान खोजेपछि स्थानीयबासी प्रहरीमाथि नै आक्रमणमा उत्रिएको बताएका छन् । प्रहरीको गोली लागि आलमको निधन भएपछि सो क्षेत्रमा तनाव छ । स्थानीयबासीले टायर बालेर विरोध गरिरहेका छन् ।
फेसबुकबाट तपाईको प्रतिक्रिया !