- काठमाडौं,साउन ३२ गते आइतबार ।।
- जनप्रभाब-सम्बादाता
दार्चुलामा शव ल्याउन नखोलिएको सीमा नाका पुल शनिबार एसएसबीलाई स्वतन्त्रता दिवसको शुभकामना दिन जाने भनेर खोलिएको हो । भारतको स्वतन्त्रता दिवसको अवसरमा भारतीय सुरक्षाकर्मी एसएसबीलाई शुभकामना दिन जाने सशस्त्र प्रहरीको टोलीका लागि सीमा नाका खोेलिएको छ ।
नेपालको तर्फबाट सशस्त्र प्रहरी बल ४४ नम्बर दार्चुलाका गणपति एसपी नरेन्द्र बमं र छाङरुको स्थापना हुन गइरहेको गुल्मका लागि गुल्मपति भएर दार्चुला आएका सशस्त्र प्रहरी नायब उपरीक्षक ( डिएसपी ) धिरेन्द्र शाहले भारतीय एसएसबीका इन्सपेक्टर कश्मीर सिंहलाई खादा ओढाएर स्वतन्त्रता दिवसको शुभकामना दिएका छन् ।
तर, शुक्रबारमात्रै एक नेपालीको भारतमा मृत्यु हुँदा शव स्वदेश ल्याउने परिवारजनले गरेको आग्रहलाई जिल्ला प्रशासन कार्यालयले मानेको थिएन् । सरकारले भारतबाट प्रवेशका लागि सुदूरपश्चिममा २ नाका मात्रै खोलेको र त्यसमा यो नाका नपरेकाले पुल खोल्न नमिल्ने भन्दै जिल्ला प्रशासनले नेपालीको शव स्वदेश ल्याउन नाका नखोलिएको जिल्ला प्रशासनले जनाएको थिया
भारतमा बस्दै आएका महाकाली नगरपालिका–२ का जगत सिंह बडालको मृत्यु हुँदा शव ल्याउन नदिने भारतका ठूलाबडाको अगाडी झुक्न जानको लागि नाका खोल्न मिल्ने भन्दैे आफन्तहरुले गुनासो गरेका छन् ।
सीमा नाका खोलिएको बारेमा आफूलाई कुनै जानकारी नभएको सहायक प्रमुख जिल्ला अधिकारी टेकसिंह कुँवरले जानकारी दिए । शव ल्याउन नखोलिएको पुल शुभकामनाका लागि खोलिएपछि नागरिकस्तरमा टिप्पणी सुरु भएको छ ।
