- काठमाडौं,साउन २७ गते मंगलवार ।।
- जनप्रभाब-सम्बादाता
नेपालमा पछिल्लो २४ घण्टामा ६ सय ३८ जनामा कोरोना भाइरस (कोभिड–१९) सङ्क्रमण पुष्टि भएको हो । स्वास्थ्य तथा जनसङ्ख्या मन्त्रालयका अनुसार आज १० हजार ४६२ पिसिआर परीक्षण भएकामा ६३८ जनामा सङ्क्रमण पुष्टि भएको छ । योसँगै नेपालमा कूल कोरोना सङ्क्रमितको सङ्ख्या २३ हजार ९४८ पुगेको मन्त्रालयको नियमित पत्रकार सम्मेलनमा जानकारी दिइएको छ ।
मन्त्रालयका प्रवक्ता डा.जागेश्वर गौतमका अनुसार पछिल्लो २४ घन्टामा १७१ जना कोरोना जितेर डिस्चार्ज भएका छन् । यससँगै हालसम्म कोरोना सङ्क्रमणमुक्त हुनेको सङ्ख्या १६ हजार ६ सय ६४ पुगेको छ ।
देशभर सक्रिय सङ्क्रमितको सङ्ख्या ७ हजार २०१ रहेको छ । क्वारेन्टिमा रहनेको सङ्ख्या ११ हजार ५८ छ । त्यसैगरी नेपालमा थप चार जनाको कोरोना सङ्क्रमणबाट मृत्यु भएको छ । योसँगै हालसम्म कोरोनाबाट मृत्यु हुनेको सङ्ख्या ८३ पुगेको छ ।
फेसबुकबाट तपाईको प्रतिक्रिया !