- सुनसरी,साउन २७ गते मंगलवार ।।
- जनप्रभाब-सम्बादाता
सुनसरी जिल्लाको दक्षिणवर्ती नेपाल भारत सिमानाकाबाट दैनिक ठुलो परिमाणमा तस्करीका मालसामानहरु ओसारपसार हुने क्रम बढेको छ ।
देवानगञ्ज गाँउपालिका स्थित कौवाखोज कप्तानगञ्ज सिमानाकाबाट दैनिक ठुलो परिमाणमा भारतबाट सुनसरीतर्फ मालसामान ल्याउने र सुनसरीबाट भारततर्फ लैजाने कार्य बढदै गएको हो ।
सरकारले सिमाक्षेत्रबाट मानिसहरुको आवतजावत बन्द गर्ने गरी सिमाक्षेत्र सिल गरी सशस्त्र प्रहरी र नेपाल प्रहरी परिचालन गरेपनि दुवै निकायका सुरक्षाकर्मीहरुको मिलोमतोमा ओसारपासर कार्य जारी रहँदै आएको छ ।
भारतको अररिया जिल्ला स्थित फुलकाहा र घुरना बजारबाट ल्याईएका विभिन्न प्रकारका मालसामान राती साँझको समयमा दशगजाक्षेत्रमा ठुला सवारी साधनमा राखी सुनसरीका बजारमा ल्याउने गरिएको हो ।
कप्तानगञ्जका रामपुकार साहले कोरोना भाइरसको महामारी फैलिन नदिन सरकारले सिमानाकालाई सिल गरेको दावी गरिएपनि सशस्त्र प्रहरी र नेपाल प्रहरीको मिलोमतोमा तस्करी भईरहेको दावी गरे ।
देवागञ्जका हरिचरण मेहताले दशगजामा चौविसै घण्टा ड्युटी बसेका सुरक्षाहरुले चौकी र बीओपीको मिलोमतोमा तस्करीका सामानहरु नेपालबाट भारत र भारतबाट नेपाल ल्याउन लैजान दिने गरेकाले दैनिक लाखौको राजश्व चुहावट हुने गरेको बताए ।
नेपालबाट ठुलो परिमाणमा हरियो मटर दाना, विभिन्न ब्राण्डका रक्सीहरु देवानगञ्ज, कप्तानगञ्जमा तस्करहरुले गोदाममा राख्ने दिउँसै र रातिको समयमा सिमाक्षेत्रको दशगजाबाट भारततर्फ लैजाने गरेको स्थानियहरुले बताएका छन ।
देवानगञ्ज कप्तानगञ्ज क्षेत्रमा राजेश साह, खेवानन्द यादव, नेपाली मियाँ, रमिद मियाँ, कैला जट लगायतका नेपाली र भारतीय तस्करहरुले मटर, मदिरा, मरिच, कपडा, किराना सामान, चिनी, इलेक्ट्रोनिक सामान, सुर्ती, रजनीगन्धा, दाल लगायतका समानहरु वारपार गर्ने गरेका छन ।
सुरक्षाकर्मीले ब्यापारीसँग पैसा लिई तस्करी लाई बढावा दिईएकाले सिल गरिएको सिमानाकाबाट अबैधरुपमा भन्सार छली गरेर सिमा वारपार सामान ओसारपसार गर्न सेटि· गरेको स्थानीय बताउँछन ।
तस्करहरुले रातीको समयमा दुवै देशमा ट्याक्टर, मोटरसाईकल, पिकअप भ्यान लागयतमा सामानहरु राखेर रातीको समयमा सदरमुकाम इनरुवा, दुहवी, झुम्का, इटहरीसम्म लैजाने गरेकाले तस्करी सँगै कोरोना सक्रमण फैलिने जोखिम बढ्दै गएको सिमाक्षेत्रका स्थानीयहरु गुनासो गर्छन ।
