- सिरहा,साउन २६ गते सोमबार ।।
- जनप्रभाब-सम्बादाता
सिराहा प्रहरीले लागूऔषध ब्राउन सुगरसहित आइतबार ६ जनालाई पक्राउ गरेको छ ।
गोलबजार नगरपालिका वडा नम्बर ६ दोहटियास्थित पाण्डव गुप्ताको घरमा लुकाएर राखिएका अवस्थामा १ ग्राम २ मिलीग्राम ब्राउनसुगरसहित उनीहरुलाई पक्राउ गरिएको जिल्ला प्रहरी कार्यालय सिराहाका प्रवक्ता एवम् प्रहरी नायब उपरीक्षक ( डिएसपी ) बिनोद घिमिरेले जानकारी दिए ।
गुप्ताले बिक्रीका लागि आफ्नै घरमा लुकाएर राखेको गोप्य सूचनाको आधारमा इलाका प्रहरी कार्यालय गोलबजारबाट खटिएको टोलीले २८ वर्षीय गुप्तासहित ६ जनालाई पक्राउ गरेको घिमिरेले बताए ।
पक्राउ पर्ने अन्यमा गोलबजार ६ कै २२ वर्षीय सुरज परियार, २० वर्षीय रोशन लामा, १९ वर्षीय शिरिल महरा, वडा नम्बर ४ का २० वर्षीय सैफली खान र वडा नम्बर ५ का १९ वर्षीय विवेक श्रेष्ठ छन् ।
पक्राउ परेका मध्ये पाँच जजना युवक भने लागूऔषध ओसारपसार तथा सेवन गर्नेहरु रहेको बताउँदै प्रहरी प्रवक्ता घिमिरेले उनीहरुमाथि थप अनुसन्धान भइरहेको जानकारी दिए ।
