- काठमाडौं,साउन १९ गते सोमबार ।।
- जनप्रभाब-सम्बादाता
नेपाल कम्युनिष्ट पार्टी (एमाले) का तत्कालिन महासचिव स्वर्गीय तथा पूर्वप्रधानमन्त्री मनमोहन अधिकारीलाई नैतिक आस्थावान नेताको रुपमा श्रद्धा गरिन्छ ।
कम्युनिष्ट आन्दोलनमा शसक्त स्व.नेता मनमोहन अधिकारी पहिलो वामपन्थी प्रधानमन्त्री समेत हुन । मनामोहनले नेपालको कम्युनिष्ट आन्दोलनमा पुर्याएको योगदान उनको मृत्युको साडे दुई दशकमा पनि उत्तिकै चर्चा छ ।
मनामोहनको नाममा खुलेका संघ सस्थाले उनको आस्था र मार्गदर्शनलाई थप प्रचार प्रसार गर्नु पर्ने हो । मनमोहनले गर्न खोजेकाे तर पुरा गर्न बाँकी रहेका कतिपय सैद्धान्तिक तथा राजनितिक मुद्धालाई पुरागर्ने नामनमा खुलेको एक परोपकारी संस्थाले मनमोहनको नामकै धज्जी उडाएको छ ।
उनै दिवंगत नेता मनमोहनको नाममा खुलेको परोपकारी संस्था मनमोहन अस्पतालले सेवाग्राहीलाई मात्र हैन, अस्पतालमा कार्यरत नर्स तथा अन्य कर्मचारी माथि नै चरम आर्थिक शोषण गरेको पाईएको छ ।
मनमोहन अस्पतालको बदमासी
कोरोना संक्रमण (कोभिड–१९) ले विश्वलाई नै आक्रान्त पारेको छ । विकसीत, विकासाेन्मुख तथा अल्प विकसीत मुलुक कोरोनाले ठप्प प्राय छन । चिकित्सकिय पद्धती वा परामर्सबाट नै कोरोनासंग लडाई लडिरहेको अवस्था छ । यतिवेला सवैको आशा र भरोसा भनेकै अस्पताल, र स्वास्थ्यकर्मी नै हुन ।
यस्तो विसम परिस्थितिमा अस्पतालबाट विरामीले सर्वशुलभ सेवा पाउनु पर्ने हो । तर तिनै आस्थावान मनमोहन अधिकारीको नाममा खुलेका अस्पतालहरुले विरामीलाई दुईगुणा शुल्क लिने गरेकाे छ ।
काठमाडौंको ठमेल र स्वयंभुमा रहेको मनमोहन अस्पतालले सेवाग्राहीसँग बढी मूल्य लिएको पाइएपछि जरिवाना समेत गरिएको छ ।
अस्पतालले ९ सयमा हुनुपर्ने सेवाको एक हजार छ सय लिएको पाईएपछि, वाणिज्य, आपूर्ति तथा उपभोक्ता संरक्षण विभागले मनमोहन अस्पताललाई दुई लाख ५० हजार जरिवाना गरेको छ ।
अल्ट्रा साउण्ड (यूएसजी) सेवाशुल्कमा बढी मूल्य लिएको भन्दै उपभोक्ता संरक्षण ऐन २०७५ बमोजिम जरिवाना गरिएको विभागले जनाएको छ । मनमोहन अस्पतालको अध्यक्षमा नेकपाका प्रदेश संसद राजेन्द्र पाण्डे छन् । यो अस्पतालमा पूर्व एमाले नेताहरुको मात्र लगानी रहेको छ ।
पूर्वएमाले नेताहरु सञ्चालक रहेको धुम्बाराहीस्थित ह्याम्स अस्पताल र प्रदर्शनीमार्गमा रहेको काठमाडौं मोडल अस्पतालले कर्मचारीलाई सेवा सुविधा रोक्का गर्ने तथा करार सम्झौता विपरित कामबाट निकाल्ने गरेको छ । यी अस्पतालमा कार्यरत नर्स तथा कर्मचारीहरुले जेठदेखिको तलब समेत पाएका छैनन् ।
अस्पतालमा कार्यरत नर्स तथा अन्य कर्मचारीले तलव सुविधा नपाएको र गैरकानुनी रुपमा कामबाटै निकालिको गुनासो बढेपछि अध्यायन समिति गठन गरिएको छ । समितिले गुनासो परेका अस्तालमा पुगेर समस्या बुझ्ने काम गरिरहेको छ ।
नर्सको तलब साडे आठ हजार
सरकारी कार्यालयको सहयोगीले मासिक तवब १९ हजार चार सय ७६ रुपियाँ पाउँछन । त्यस्तै खरिदारले २६ हजार छ सय ४, नायव सुब्बाले २८ हजार दुइ सय, र अधिकृतको तलब ३५ हजार नाै सय ९० रूपैयाँ पाउने गरी तलव तोकिएको छ । अस्पताल स्रोतका अनुसार मनमोहन अस्पताल स्वयंभु , मनमोहन सामुदायीक अस्पताल ठमेल, झापामा कार्यरत नर्सको तलब जम्मा ८ हजार ५०० दिइएको छ ।
यसबाहेक पूर्वएमाले नेताहरुको वाहुल्य रहेको धुम्बाराहीस्थित ह्याम्स अस्पताल, र वागबजारमा रहेको काठमाडौं मोडेल अस्पतालमा कार्यरत कतिपय नर्सको तलब १० हजार भन्दा कम दिएको पाइएको छ ।
कोरोना संक्रमण फैलिएपछि भएको लक–डाउनको समयमा संक्रमण नियन्त्रणका लागि खटिने नर्स चिकित्सक लगायत पहिलो पंक्तिमा रहने स्वास्थ्यकर्मी तथा नर्सको तलब सरह भत्त्ता उपलब्ध गराउने घोषणा गरेको थियाे ।
नेकपा सरकारले गरेको यो घोषाणालाई उनकै नेताको नाममा सञ्चालन भएका कतिपय अस्पतालले नै धज्जी मात्र उडाएका छैनन, करार सम्झौताअनुसार काम गरिरहेका स्वास्थ्यकर्मी तथा नर्सको तलब रोक्का गर्ने र कामबाटै निकाल्ने जस्ता गैरजिम्मेवार क्रियाकला भैरहदाँ नियामक निकाय भने रहस्यमय रुपमा मौन बसेकाे छ ।
नयाँ विकल्प,
फेसबुकबाट तपाईको प्रतिक्रिया !